Pancake House HoiHoi (荃新天地) (已結業)

❣️空氣感十足既梳乎厘班戟Hoi Hoi Pancake House終於可以喺荃灣食到喇❣️ 小公主一向都超級鍾意食甜品！特別鍾意食Pancake😛因為佢震震下嘅感覺好得意😆 Hoi Hoi Pancake House九龍灣都有分店！可惜我哋由荃灣出去食....轉幾程車實在太崎嶇😅而家荃新天地近近地都已經可以食到😍我哋一人揀咗一個pancake同埋嘢飲！我哋都揀咗荃灣店限定既食品！家姐揀咗沖繩紫薯梳乎厘班戟！佢地用紫薯茸加Mascarpone芝士同蜜糖調味，所以唔會好甜！再圍住pancake吱成幼條！淨係個賣相小公主已經俾佢吸引到瘋狂心心眼😍切嘅時候一切到底🔪,空氣感十足👍🏻有公主最鍾意嘅震下震下嘅效果😁食落去都好濕潤！唔會乾爭爭😙佢仲會配搭埋一舊忌廉醬俾我哋沾嚟一齊食！小公主自己都食咗大半碟😋我就揀左夏威夷牛油果大蝦班戟漢堡🦐🥑用班戟代替麵包黎整咗個漢堡！一嚟到嘅時候真係嚇親因為份量實在太大！本身個班cake已經好大個！好厚身！就連側邊嘅薯條都一大堆🍟！餡料有混合左蜜糖芥末醬既牛油果大蝦沙律🥗仲有兩大片蕃茄🍅一啖咬落去多重口感之餘仲好清新😍荃灣區嘅街坊好友絕對值得一試👍🏻👍🏻