影片
更多
2007-09-06
又一個飯局. 今次主角係八月之星, 姊妹C. 之前先有一場激烈的羽毛球大戰, 打到天昏地暗. 謝過弟兄C的款待.一早訂了這裡最大的臺, 但係越加越多人, 最後係十六個人, 仲未計頌揚仔. 不好意思, 又係太逼了. 或者下次要學牙擦仔講: 唔好意思, 岩岩無位. 遲報名的不好意思了.當然這次, 弟兄L同他的另一半一齊來, 又真係好高興的. 點都好, 你永遠係我們這家人的一份子.說回食物, 這麼多人, 當然要叫大量食物. 埋單計數, 係要了36碟. 空前絕後, 新的記錄了. 真係擺都無位擺.小籠包$35 x 3: 7分, 16個人, 要了3碟, 得15隻, 唯有同文迪分吃一隻. 皮厚了點, 不過都幾多汁, 幾好.生煎包$40 x 3: 8分, 又係吃了半件, 煎得相當香口, 包的皮脆脆的, 入面有熱熱的湯汁, 豬肉也不太肥, 很受歡迎, 轉眼就清掉了.咸蛋黃中蝦$95: 5分, 點解這麼細碟? 中蝦貴? 賣相已經唔吸引, 放係隻碗到, 唔夠大體. $95一碗, 其實不太便宜, 再計埋這份量, 係不太抵食的一碟. 蝦係麻麻新鮮, 咸蛋黃就幾香口的.五香鴨舌$55: 6分, 不太香口, 口感也
一早訂了這裡最大的臺, 但係越加越多人, 最後係十六個人, 仲未計頌揚仔. 不好意思, 又係太逼了. 或者下次要學牙擦仔講: 唔好意思, 岩岩無位. 遲報名的不好意思了.
當然這次, 弟兄L同他的另一半一齊來, 又真係好高興的. 點都好, 你永遠係我們這家人的一份子.
說回食物, 這麼多人, 當然要叫大量食物. 埋單計數, 係要了36碟. 空前絕後, 新的記錄了. 真係擺都無位擺.
小籠包$35 x 3: 7分, 16個人, 要了3碟, 得15隻, 唯有同文迪分吃一隻. 皮厚了點, 不過都幾多汁, 幾好.
生煎包$40 x 3: 8分, 又係吃了半件, 煎得相當香口, 包的皮脆脆的, 入面有熱熱的湯汁, 豬肉也不太肥, 很受歡迎, 轉眼就清掉了.
咸蛋黃中蝦$95: 5分, 點解這麼細碟? 中蝦貴? 賣相已經唔吸引, 放係隻碗到, 唔夠大體. $95一碗, 其實不太便宜, 再計埋這份量, 係不太抵食的一碟. 蝦係麻麻新鮮, 咸蛋黃就幾香口的.
五香鴨舌$55: 6分, 不太香口, 口感也一般.
哈密瓜老虎葉$30: 7分, 面頭有小小哈密瓜吊味, 底下的老虎葉先係主角, 仲要係辣到跳舞個隻. 不過食小小又幾刺激的.
蔥爆羊肉$65: 6分, 羊肉肉質認真係麻麻, 有點老, 京蔥就幾美味.
蔥爆雞肉配薄餅$65: 6分, 一樣係麻麻, 肉老了, 個汁又太濃, 薄餅也唔多靚.
干菜烤肉$60: 4分, 杰杰黑黑的一碟, 試了一口, 好濃, 放棄.
黑醋松子桂魚$90: 8分, 條魚幾新鮮, 炸得也香口, 黑醋味剛好, 不算很濃, 小小松子點綴, 是晚比較好的一碟.
和菜戴帽$50: 6分, 炒得比較油, 不過頂帽就做得幾細緻.
清炒時菜$40 x 2: 7分, 有弟兄C係度, 當然有大量的菜. 是晚要了兩碟時菜,3係雞毛菜同津白, 但$40一碟, 份量其實不多, 不過炒得唔太油, 都幾鮮的.
杞子南瓜白雪$58: 6分, 糊塗都食埋一份? 南瓜係底, 面頭就有蛋白同杞子, 不過這三樣野好像不太匹配.
砂鍋腌篤鮮$85: 7分, 要了兩大砂鍋, 一腌篤鮮, 一雲吞雞. 其實兩個湯底係一樣的. 叫兩樣本來係驚唔夠分, 但最後又剩下來. 個湯都幾油, 不過味道都夠鮮甜, 唔會太鹹, 都收貨的.
砂鍋雲吞雞$85: 7分, 又試了點雲吞雞, 好像比不上金字頭那間. 不過又比較便宜, $85份量不少, 都滿意.
銀絲卷$12 x 4: 7分, 要了兩蒸兩炸, 都幾鬆化, 至少唔係饅頭, 不過炸得一般, 唔夠脆, 以蒸的比較好.
揚州炒飯$45: 6分, 人多, 點都要一碟飯看門口, 不過火候認真一般, 無乜鑊氣.當然係這裡吃揚州炒飯, 當然唔係甚麼名物了.
上海粗炒$48: 5分, 點知上海粗炒一樣麻麻, 仲好鬼油, 結果轉極都仲有.
上海炒年糕$48: 5分, 繼續係毫無鑊氣, 年糕口感又一般.
天麻炒桂花球$98: 8分, 桂花球幾新鮮, 肉質靚, 用天麻去炒, 味道幾好, 只吃了半件, 唔夠候.
家常餅$28 x 2: 6分, 好油, 又唔係幾香, 好多姊妹都放棄了.
高湯瑤柱勝瓜$48: 7分, 這個清清地, 好快不見了. 小弟就愛這個多過那兩碟菜, 因為個高湯係幾清的.
七彩冷麵$48: 6分, 有無人數過有那七種色? 知道的有得做下屆班長. 小弟就數唔到了. 麵條都算彈牙, 但那些七彩就無乜特別味道, 碟麵係好寡下.
雞絲冷麵$48: 7分, 有了雞絲係度, 口感好了不少, 都比七彩冷麵早清掉.
冷翡翠$40: 8分, 清清的一碟瓜絲, 弟兄M吃了不少, 小弟也覺得這個不錯, 讓口腔轉一轉, 又濃變清.
嫩雞煨麵$30 x 2: 6分, 專門叫給頌揚仔吃的一味, 跟七彩冷麵一樣, 麵條算不錯, 但係個湯麻麻.
四色豆腐$45: 7分, 另一冷盤, 豆腐都幾滑, 加上醬汁, 係幾搶味的.
沒有收切餅費, 仲有生日歌送, 哈哈, 老土嗎?
本來服務幾好, 但趕我們走之後, 又無人要坐. 知道訂位時係講好要兩小時交臺. 既然都無人等, 又可苦趕人走呢?
食物就個別有水準, 整體一般. 不過用了姊妹J的會員咭, 又幾抵食的.
张贴
