影片
更多
2019-06-04
283 浏览
（從來唔會想比劣評餐廳） 以前讀書都會嚟食 但係冇諗過幾年後黎食 原來呢度已經變得咁差唔好意思 我呢個食評唔可以話係一個食評 因為我連食嘅機會都無🤷🏻♀️🤷🏻♀️嗰日大概係1:30鐘左右嚟 我同朋友兩個人 我一個人先到 入門口坐櫃檯講阿哥問我幾多個人 我話我兩個不過朋友未到 佢話可以入去坐 有位 （入到去其實只係坐咗2枱人）我坐低左 然後一位40零歲嘅女侍應阿姐 想幫我落單 我話朋友未到 唔落正餐住 想叫杯凍奶茶飲住等 點知阿姐（黑口黑面 用着凌厲嘅眼神）一句得埋黎：人到齊先一次過嗌啦Ok fine 你唔介意我齋坐 我有咩所謂點知唔夠3分鐘 同一個阿姐來勢洶洶走過黎話（依然係黑口黑面 用着凌厲嘅眼神 講嘢無語氣 ）：如果你未齊人就唔好坐喺度等 要出去Excuse me ??? 1: 如果一早話我知 未齊人唔可以入 我一定唔會入2: 我唔係唔叫嘢食齋等 係你唔俾我落單3: 你嗰時唔係多人 加上出面亦都冇人等緊位4: 食餐飯點解我要受咁嘅氣？ 唔好意思 如果要我食餐飯 係要忍住度氣去食 我真係食唔落 你要我走 OK 我走 而且我保證以後都唔會再嚟另外：我一路喺餐廳見到同一位侍應阿姐 對住其
以前讀書都會嚟食 但係冇諗過幾年後黎食 原來呢度已經變得咁差
唔好意思 我呢個食評唔可以話係一個食評 因為我連食嘅機會都無🤷🏻♀️🤷🏻♀️
嗰日大概係1:30鐘左右嚟 我同朋友兩個人 我一個人先到 入門口坐櫃檯講阿哥問我幾多個人 我話我兩個不過朋友未到 佢話可以入去坐 有位 （入到去其實只係坐咗2枱人）
我坐低左 然後一位40零歲嘅女侍應阿姐 想幫我落單 我話朋友未到 唔落正餐住 想叫杯凍奶茶飲住等 點知阿姐（黑口黑面 用着凌厲嘅眼神）一句得埋黎：人到齊先一次過嗌啦
Ok fine 你唔介意我齋坐 我有咩所謂
點知唔夠3分鐘 同一個阿姐來勢洶洶走過黎話（依然係黑口黑面 用着凌厲嘅眼神 講嘢無語氣 ）：如果你未齊人就唔好坐喺度等 要出去
Excuse me ???
1: 如果一早話我知 未齊人唔可以入 我一定唔會入
2: 我唔係唔叫嘢食齋等 係你唔俾我落單
3: 你嗰時唔係多人 加上出面亦都冇人等緊位
4: 食餐飯點解我要受咁嘅氣？
唔好意思 如果要我食餐飯 係要忍住度氣去食 我真係食唔落 你要我走 OK 我走 而且我保證以後都唔會再嚟
另外：我一路喺餐廳見到同一位侍應阿姐 對住其他嘅食客態度一樣係奇差 我見到大家嘅表情都係呆曬 不過大家都係為咗食一餐所以食完就會算～
如果大家想去體驗一下 呢個咁出眾嘅服務態度 我鼓勵大家去挑戰一下！睇下你會唔會有相同嘅體驗
张贴
