大老爺

喺觀塘區返工己有幾年, 食lunch其實都吾算有要求。但求唔太難食入到口都算。宜安街前前後後嘅食店都幫襯過。唯獨呢間未試過。天寒地涷, 同同事行過見佢冇乜人咪入去試吓。見午餐有個泰式豬扒飯。竟然等左10分鐘有多, 一嚟個心真係涼一涼。所謂泰式只係個名嚟。當你一定以為泰式會有香茅, 辣椒或青檸之類做醬汁。實情係普通鼻涕芡加豬扒再加幾條洋葱青椒。塊豬扒更加慘不忍睹。好似用水烚咗半日又乾又鞋。少啲牙力都咬唔開。冇味道之餘仲有陣陳年雪藏味(有機會係千年殭屍肉) 最後我食咗半碟就放棄。早知留返40蚊食個老麥好過。希望呢區打工仔或食客真係小心呢間野。