影片
更多
2021-07-03
57 浏览
- 身為食肉獸，打邊爐最緊要係咩？係個爐？唔係！計我話一定係肥牛🤤！- 今次黎到旺角百寶利商業中心，當然唔係買鞋啦。今次我地黎覓食傳說中既究極和牛放題，天下糧倉價錢實惠又經濟，淨係食牛都回到本，性價比超高！- 我地今次叫左芫荽皮蛋湯底，湯底有極大量芫荽，荽味十足🤣！絕對無花無假，係 #芫荽控 #芫茜控 最愛。- 講明究極和牛放題，當然重頭戲一定係牛肉啦。店舖更新左菜單，一律任點任食8️⃣款高級牛肉，仲要唔係普通低價急凍貨，款款油花十足，有啲牛肉仲睇到明顯雪花❄️。- 一開始當然每款都叫下黎食啦，店舖非常細心，牛肉上面都會放有過膠既牌俾客人知道牛肉既種類，唔會唔知自己食緊咩。- 而家等我逐款逐款介紹，首先圖左有安格斯牛肩胛。呢款牛肉，油花分佈均勻，同西冷密度差唔多，肉味都一樣。- 而左二就係近年都多人鐘意食既封門柳。封門柳係牛橫隔膜肌肉，而每隻牛都只有一條，所以比較罕有。呢款肉味比較重，油花相對少啲，適合鐘意肉味濃既朋友。- 之後係一級肥牛，同普通肥牛唔同，食落無雪藏味，絕對唔係下價既貨色。- 右上就係牛板腱，牛味重之餘，比較紥實。而且仲略帶嚼勁，細嫩多汁，有爽滑口感。- 左下就係滑牛肉，唔會
- 今次黎到旺角百寶利商業中心，當然唔係買鞋啦。今次我地黎覓食傳說中既究極和牛放題，天下糧倉價錢實惠又經濟，淨係食牛都回到本，性價比超高！
- 我地今次叫左芫荽皮蛋湯底，湯底有極大量芫荽，荽味十足🤣！絕對無花無假，係 #芫荽控 #芫茜控 最愛。
- 講明究極和牛放題，當然重頭戲一定係牛肉啦。店舖更新左菜單，一律任點任食8️⃣款高級牛肉，仲要唔係普通低價急凍貨，款款油花十足，有啲牛肉仲睇到明顯雪花❄️。
- 一開始當然每款都叫下黎食啦，店舖非常細心，牛肉上面都會放有過膠既牌俾客人知道牛肉既種類，唔會唔知自己食緊咩。
- 而家等我逐款逐款介紹，首先圖左有安格斯牛肩胛。呢款牛肉，油花分佈均勻，同西冷密度差唔多，肉味都一樣。
- 而左二就係近年都多人鐘意食既封門柳。封門柳係牛橫隔膜肌肉，而每隻牛都只有一條，所以比較罕有。呢款肉味比較重，油花相對少啲，適合鐘意肉味濃既朋友。
- 之後係一級肥牛，同普通肥牛唔同，食落無雪藏味，絕對唔係下價既貨色。
- 右上就係牛板腱，牛味重之餘，比較紥實。而且仲略帶嚼勁，細嫩多汁，有爽滑口感。
- 左下就係滑牛肉，唔會拿得太勁，無咩鬆肉粉味。食落口比較滑嫩，唔會好鞋，而且飽肚感十足。
- 再跟住就係牛脷片，呢款係我最愛之一。因為牛脷比較爽口彈牙，唔會有騷味。而且味道相對濃啲，肉質細膩。餐廳切到較薄，所以好易熟。
- 然後就係金錢𦟌，呢款都深得我心。金錢展係指的是牛腱肉的其中兩塊，切開之後呈金錢狀。肉質結實，無肥肉，食落帶有筋膜，仲好爽脆。
- 最後係SRF美國黑毛和牛，呢款都係我最愛之一。因為佢油花分布好靚，有哂雪花❄️，而味道上就好有油香，柔嫩多汁，唔會太肥。
0 浏览
0 赞好
0 留言
- 配菜同飲品就可以自行係雪櫃到拎，款式都唔少。但最特色既係醬料區，因為醬料區係用一架木頭車做裝飾，係名乎其實既補給庫。
张贴
