民華餐廳

营业中

休息中

經常性如果唔知食咩嘅時候，都會食常餐嘅我，今日就走咗入嚟坐低食個常餐。佢常餐嘅選擇好多，就咁個湯面都有唔同嘅種類俾你揀，我就叫咗個番茄湯底嘅通粉。另外配左炒蛋多士同埋腸仔。基本上我叫餐常餐都係別係呢啲組合㗎啦。另外見到好多人都帶咗西多士食，所以就帶咗份西多士同朋友share😋😋。值得一讚嘅就係個多士加咗煉奶，超級好味，食到我都嘴舐舐❤️👍🏻👍🏻👍🏻。不過太貪心啦叫埋西多士之後食到我超級飽，真係抱住個肚返屋企個種。之後臨走順便幫屋企人買埋午翻去食，就叫咗鹹魚肉餅蒸飯同排骨蒸飯，之後打包翻去俾佢哋食。啲職員都好好好好態度好有禮貌👍🏻。蒸飯嘅豉油係另外分開有一包嘅。