板長壽司 (已結業)

要食壽司嘅其實今時今日有好多選擇，但有時都會食下板長，貪佢夠就快，水準穩定。記得以前細個食板長都要排好耐隊，依家就唔使lu，甚至直入都有位。選擇方面，感覺上壽司種類選擇好似愈來愈少，或者可能注重多咗喺料理或丼麵等範疇。我揀咗嘅壽司請參閱我張賬單，今次專登試左佢哋依期推介嘅吞拿魚赤酢壽司，味道不錯，老實說，其實我唔太了解咩係赤酢，不過舌頭最中肯，其實就係醋味比較濃多少少嘅壽司米，如果唔鐘意既話可以轉返做普通米。我每次食壽司都一定會叫魚背壽司同埋吞拿魚沙律軍艦，前者係我食過既壽司店當中，依度食既質素屬於不過不失，但魚背本身油脂味濃，所以我仍然食得開心至於軍艦方面，包住嘅紫菜爽脆，食落有口感，唔似有時啲店舖紫菜都琳琳地。整體依餐都滿意，板長算係水準平穩既壽司店