影片
更多
2008-05-21
14 浏览
香港餐廳有米芝蓮背景而且質素高的真係唔多, 呢間係其中一間, 因為佢地master chef Roland Schuller曾經係米芝蓮三星的意大利餐廳出任大廚, 所以我選擇左來呢度食生日午飯啦! 下午一時, 我地準時到達這botique hotel, waiteress 帶領我地到近窗口的位置坐低, 居然見到 "投名狀" 的導演陳可辛坐係我地隔離, 可惜的係見唔到佢的老婆同女女吖! 坐低之後, 我們點左一支 acqua panna的無汽礦泉水 ($68), 因為呢度無免費水供應 , 之後waiter 遞上 menu 之餘, 亦不忘詳細介紹 menu 上的食物點好菜之後, waiter隨即將黑醋、橄欖油倒進小碟，再送上餐前包點, 是日的包點有 sun-dried tomato foccacia & farmer bread, 兩樣都微暖和軟熟, 為午餐作好的開始., 我地都點左3 courses:Starter 方面我選擇了 Roasted quail with sauteed poatatoes and asparagus, 鵪鶉肉質果然好鮮嫩太座選擇了 pizza from t
下午一時, 我地準時到達這botique hotel, waiteress 帶領我地到近窗口的位置坐低, 居然見到 "投名狀" 的導演陳可辛坐係我地隔離, 可惜的係見唔到佢的老婆同女女吖!
坐低之後, 我們點左一支 acqua panna的無汽礦泉水 ($68), 因為呢度無免費水供應 , 之後waiter 遞上 menu 之餘, 亦不忘詳細介紹 menu 上的食物
點好菜之後, waiter隨即將黑醋、橄欖油倒進小碟，再送上餐前包點, 是日的包點有 sun-dried tomato foccacia & farmer bread, 兩樣都微暖和軟熟, 為午餐作好的開始., 我地都點左3 courses:
Starter 方面
我選擇了 Roasted quail with sauteed poatatoes and asparagus, 鵪鶉肉質果然好鮮嫩
太座選擇了 pizza from the wood oven with salami, tomato and cheese, 薄薄的 pizza, 咬落 "oak oak" 脆, 加上香口的 salami 同埋大量的 cheese~yummy yummy, 非常正宗同傳統意大利風味呀!
Pasta 方面
我選擇了 pasta of the day-- Spaghetti with two cheeses and italian meatballs, 意大利粉有濃濃芝士的香氣, 但口感又唔太'漏', 加上肉丸的鹹香, 配搭十分特別
太座選擇了 spahgetti with skate wing, garlic chili and roman brocolli soup, 意粉可算是 al dente, 充滿濃郁芳香的 garlic 香味, 再配合埋另上的一小杯 skate wing soup，感覺幾特別，味道亦幾清新
主菜方面
太座選擇了 main course of the day~~veal combination, 分別用上 veal 的 tenderloin (牛柳), cheek (面珠) 同埋 tripe (牛肚), tenderloin 同 cheek 都係用 grilled 的方法烹調, 肉質鮮嫩, 估唔到牛的面珠真係又滑又腍, 至於 tripe 用上煨的方法烹調, 難怪肉質咁腍, 而且味道相當濃郁
我選擇了 Fish of the day~~Seabass with crab gelatine, 雖然賣相有 d 似清蒸海上鮮 但係 waiter 話佢地所有魚都由日本入口, 配上綠色啫哩狀的物體, 又幾得意!!
最後送上 Dessert of the day--Belgium chocolate cake with pistachio ice-cream and coffee sabayon, 兩件比利時朱古力蛋糕在底, 配上開心果雪糕加埋咖啡沙巴翁淋係面, 三者的配合簡直天衣無縫, 朱古力蛋糕唔太甜, 一淡咬落去食到裡面的 melted chocolate, 然後又食到一粒 hazelnut, 口感一流, 開心果雪糕又香又滑, 仲有咖啡沙巴翁淋甜甜地又滑滑地, 正呀
最後以一杯合口味的 cappucino 作為呢餐生日飯的結尾
無可否認, 以三百蚊食一客 set lunch 係有 d 貴, 但食番一餐令人滿意的飯都情有可原, 更何況今次係我的生日飯喎! 點都要食豪少少嘅! 加上呢度的環境幽雅, 又有情調, 食物亦有一定的水準, 侍應的態度亦非常有禮, 貴少少都值得呀!
埋單之後, 我地亦不忘係餐廳同酒店周圍影下相添呀
starter+ pasta $168
starter + main course $218
pasta + main course $238
three courses $268
house wine $40
张贴
