元祖沾麵專門店 (已結業)

中午同夜晚成日排長龍嘅「元祖沾麵」，之前幾次成日麵食唔到，今日一早就過去，終於唔使等就入得喇。嚟得依度，當然係食佢哋最出名嘅元祖龍蝦沾麵同埋極上芝士海膽沾麵啦。每碗沾麵都有半隻蛋、四片火炙叉燒同埋竹筍。元祖龍蝦沾麵當然係附上一鍋龍蝦湯啦。龍蝦湯內仲有豚角煮同龍蝦肉，湯充滿龍蝦嘅鮮味。麵條浸落去，掛滿龍蝦湯，好正。極上芝士海膽沾麵更加興奮，因為除咗鍋芝士海膽湯，仲有一份原板海膽。芝士海膽鍋同龍蝦湯一樣，都有豚角煮，入面仲有好多嘅海膽。麵條浸落去，掛滿芝士海膽湯，跟住一啖熟海膽，一啖新鮮海膽咁，滿滿嘅幸福充滿住整個口腔呀。「元祖沾麵」另一個特色，就係有昆布酢提供，依樣係平時較為小見嘅，而佢哋嘅茶一點都唔普通，因為係宇治抹茶嚟嫁。