Benson Cuisine & Wine (已結業)

久唔久都會唻Benson食晏，感覺整體食物質素中規中矩，但時刻保持一貫水準。$158/set lunch一般為三選一，扒，煎魚，雞卷或意粉麵等.... 配以沙律或餐湯，麵包，甜品或餐飲，如餐飲甜品等等樣樣都要就要再另加錢$20。扒類：中規中矩，唔係特別出色，肉質一般，有肉味，冇根，配汁亦係一般燒汁之類，份量則足夠。煎魚類：魚扒不時會轉種類，煎魚較為出色，外脆內軟，肉質軟滑。配菜南瓜薯蓉尤其好味！雞卷：內卷有菇，南瓜等，外皮煎得金香，肉質軟滑，好味！特別推介餐前麵包，夠熱夠香脆，尤其個芝士包，好味！餐飲絕對要試試佢哋嘅熱咖啡，質地夠厚，味夠香濃，讚！甜品：分別試過芝士蛋糕及薑味蛋糕，一般蛋糕水準，冇咩特別，但味道都ok。整體而言，食物水準中規中矩，稱唔上係咩法國菜，一般西餐還可，價錢中中上，閒唻一試無妨。