大滿屋日本料理 (已結業)

之前多數食放題都係旺角，就個朋友方便，第一次黎呢間！下晝一點到黎到，唔係滿座，之後不斷有人黎，有啲係食放題，有啲食午市定食。坐低覺得感覺幾好，因為大多放題餐廳燈光都暗啲，可能加上係晏晝關係，呢度好光孟，睇野都清啲！😂不得不介紹下呢個雪櫃！去過甘多放題，呢度既野飲係最多最齊！有汽水、檸檬茶、楊枝甘露、忌廉鮮奶、啤酒等等仲貼心到有啲飲品無放雪櫃，室溫，配合唔同人既需要，抵讚！雪糕雪條有四五款，都是自取，有韓國味只好味雪條！三文魚壽司飯夠細，三文魚夠大片！加埋松露更香，未試過甘食，別有一番風味，正！食時發現壽司飯係啡啡地色，應該係用左糙米？同平時白米果味無咩大分別，但感覺上好似健康左，哈哈！芝麻雞翼一句講晒，香口，脆，入味，肉質嫩滑！榴蓮炸彈！入面係榴蓮肉，又脆又熱，流心既榴蓮肉，食到lam lam 脷鍾意食榴蓮既就會明白！蟹子沙律細細碟，蟹柳同蟹子都夠多，青瓜絲夠幼，去左皮，唔硬，爽口！略嫌太多沙律醬，少反啲會更好！香芒軟殼蟹芒果甜，唔酸料多過飯，細細舊一份，唔會話食到好飽。放題重點！刺身！有好多款，用只木船盛載，中間有個裝左乾冰既杯，加上變色既燈光，好型，高檔左！刺身放面，好新鮮，三文魚