滿屋日本料理 (大鴻輝(荃灣)中心) (已結業)

呢間荃灣嘅滿屋日本料理，原來有分唔同價位，最平嘅二百幾都有🍣撞正放假，約咗個朋友試試個最貴嘅極緻大拖羅X海膽X鵝肝滄海三重奏(午市$528/1)🤍食豪啲啲！自助區有唔同飲品、甜品同前菜，包括有凍海鮮、沙律、炸物等等‼️重頭戲當然係拖羅、海膽同鵝肝，仲有長腳蟹，我哋主攻呢幾樣，瘋狂encore 🤍另外，刺身有三文魚、油甘魚、甜蝦、赤蝦、希靈魚、帶子、赤貝同呑拿魚等等，刺身好新鮮無腥味。壽司入面，火炙三文魚腩、花之戀、鰻魚等等，件件都少飯刺身厚！鮑汁扣花膠，花膠炆得好入味，好補！另外，燒牛舌、蒲燒鰻魚同西京燒比目魚都係每次必食，食落啖啖肉🤤