屏山老地方

营业中

休息中

一向都好鍾意食煎肉餅，今次特登嚟呢間肉餅唔出名嘅餐廳試吓。淨係睇餐牌，已經令選擇困難症嘅我有排揀款式多到你唔信，除咗好傳統嘅煎肉餅之外，仲有最特別嘅榴槤煎肉餅、芒果煎肉餅、藍莓芝士煎肉餅……本身諗住呢啲生果肉餅應該會超級怪，完全想像唔到有幾好食不過一場嚟到，總要試吓啲新事物！榴槤芝士煎肉餅飯 - 原來呢度咁新穎嘅配搭食落又冇乜違和感喎！榴槤味相當突出，配搭芝士好惹味鹹鹹甜甜咁好特別，的確比想像中好食！不過食晒成個嘅話會有啲膩。薑蔥蠔豉煎肉餅飯 - 肉餅點都係要食番傳統鹹嘅口味。但薑蔥蠔豉都係第一次試，估唔到味道咁突出！蠔豉味好濃，餸飯真係一流，超開胃！