友利坊 x 友利冰室 x 勿當奴 (已結業)

一行人黎到友利冰室食LUNCH，呢到既形式係先係門口比錢叫野食，然後先入去等職員帶位。下午時間很多人，但好好彩都即刻有位坐。我就叫左個日式咖喱吉列豚肉日本蛋包飯 $72，唔洗等好耐就上菜，一見到就覺得賣相好靚，吉列豚肉都炸得好好，食落爽脆肉質鮮嫩，碟邊仲有沙律菜可以消除油膩感👍🏻咖哩就係日式甜咖哩，甜甜地好易入口一啲都唔辣。成碟份量都好多，相信男人都會食得飽👍🏻朋友就叫左沙嗲和牛牛肉出前一丁配炒蛋及多士 $62，不過朋友話驚食太飽就走左多士🤣睇落都幾吸引，下次都試下先~