麻神麻辣火鍋 (已結業)

好耐無打邊爐啦，朋友決定就黎食啦~我地幾個都鐘意食辣，所以見到menu即刻就決定食麻辣鍋~湯底係香中帶麻味，食落辣辣地，但之後係麻架!食物都幾豐富，揀左萵筍、桶蠔、鮮餃拼盤、牛丸、豬肉丸、響鈴、王子面...份量方面幾足夠，食完夠飽!食物幾新鮮，個蠔食落鮮甜帶點麻，肉質相當肥美同軟滑，好正~而響鈴係打邊爐必食，就咁碌一碌，一咬d麻辣味就已經滲出，想試湯底的話，一定要食。個手打賴尿牛丸我自己個得讚，食落好juicy，爽口彈牙，牛味好濃，配埋麻辣湯底，超好味。鮮餃拼盤呢，多汁有口感，一口一隻，食到勁飽!