Lagom Kaffe (已結業)

繼去年10月Lagom Kaffe 樂感 响牛頭角站開分店後，早兩日觀塘店亦開始試業中；今日就去試咗幾款佢哋食物做lunch。<<台北燉牛肉意粉>> $98呢款意粉係鋪頭嘅招牌菜，混合咗中西元素，燉牛肉意粉加咗啲川椒，夾個時已經聞到陣陣麻香。我諗佢同台北呢個名有掛鉤係因為我一路食一路覺得佢同kiki麵味道有啲類近;意粉都彈牙,牛肉好細嫩。<<豬肉。蘋果。楓糖三文治>> $88本身都覺得呢個三文治幾貴，但食時酸種麵包配新鮮蘋果同經慢煮過嘅嫩滑豬肉片，旁邊仲有啲清新沙律菜，雖然小貴但換到心靈滿足。另外仲叫咗：<<鮭魚。牛油果。香草三文治>> $98<<經典蕃茄肉醬意粉>> $88<<Latte>> $34<<Dirty>> $42呢間分店近觀塘碼頭，環境舒服，夜晚仲會有水煙酒吧服務！有興趣經過就嚟試下啦。