影片
更多
2023-05-10
23 浏览
好鍾意食日本嘢嘅我，平時除咗食壽司之外仲成日食串燒🍢上星期帶呀媽去左食《火赤》呢到主要係食雞串燒既。所以好多雞既特別/稀有部位都可以係呢到食到。另外豬、牛、海鮮每個類別都有幾款選擇。呢到食串燒好講究，有提供 3款粉同4款鹽。分別係山椒粉 、七味粉、一味粉、梅子鹽、咖喱鹽、抹茶鹽同柚子鹽。Overall串燒全部都好好味，價錢亦算合理。等我重點介紹吓幾款特別既雞串燒俾大家。👍🏻👍🏻👍🏻✨提燈 $48 呢個係限定既，通常要係專做雞串燒嘅餐廳先食得到，好好彩嗰晚去到仲有得嗌。提燈係雞既輸卵管同未孵化既蛋，穿係枝竹籤到，睇落好似拎住一盞燈籠咁，因此得名。好犀利燒完個蛋黃無爆開，食落好香蛋味。而輸卵管部位就燒到表皮帶啲焦脆，整體食落完全無腥味👍🏻✨雞腳筋 $48係連皮既筋位，食落爽得黎有咬口。✨雞尾 $38雞尾豐富既脂肪包住雞皮，燒出來又香又多汁。腍腍地又帶少少彈牙，重點完全無羶味！✨雞掌心 $48 即係雞掌既掌心部分，帶啲皮又帶啲筋，厚身得黎口感爽彈。✨雞橫隔膜 $38 雞其實係無橫隔膜既，呢個部份即係雞胸同雞腹中間既一小塊部位，表面光滑，別名「海豚肉」。一小串就要用到兩隻雞既橫膈膜，食落有肉感
呢到主要係食雞串燒既。所以好多雞既特別/稀有部位都可以係呢到食到。另外豬、牛、海鮮每個類別都有幾款選擇。
呢到食串燒好講究，有提供 3款粉同4款鹽。
分別係山椒粉 、七味粉、一味粉、梅子鹽、咖喱鹽、抹茶鹽同柚子鹽。
Overall串燒全部都好好味，價錢亦算合理。等我重點介紹吓幾款特別既雞串燒俾大家。
👍🏻👍🏻👍🏻
✨提燈 $48
呢個係限定既，通常要係專做雞串燒嘅餐廳先食得到，好好彩嗰晚去到仲有得嗌。
提燈係雞既輸卵管同未孵化既蛋，穿係枝竹籤到，睇落好似拎住一盞燈籠咁，因此得名。
好犀利燒完個蛋黃無爆開，食落好香蛋味。而輸卵管部位就燒到表皮帶啲焦脆，整體食落完全無腥味👍🏻
✨雞腳筋 $48
係連皮既筋位，食落爽得黎有咬口。
✨雞尾 $38
雞尾豐富既脂肪包住雞皮，燒出來又香又多汁。腍腍地又帶少少彈牙，重點完全無羶味！
✨雞掌心 $48
即係雞掌既掌心部分，帶啲皮又帶啲筋，厚身得黎口感爽彈。
✨雞橫隔膜 $38
雞其實係無橫隔膜既，呢個部份即係雞胸同雞腹中間既一小塊部位，表面光滑，別名「海豚肉」。一小串就要用到兩隻雞既橫膈膜，食落有肉感，有嚼勁。
雞翼 $38
雞上髀肉 $38
大蔥雞肉 $38
雞肉軟骨棒 $48
糯米雞肉棒 $48
香蔥三元豚肉 $48
豆苗三元豚肉 $48
醬油燒魷魚鬚 $68
京都白粟米 $48
就咁生食清甜到不得了，食完串燒食呢個簡直完美總結。
蘆筍 $38
櫻花蝦明太子飯團 $48
张贴
