616牛肉火鍋專門店 (麗群閣) (已結業)

616火鍋店依間野其實聽左好耐，好多人都話啲野食好食，啲牛肉好靚，今次終於可以去試下。我地揀左溶岩沙嗲沙底，滾起就聞到濃濃的沙嗲味，之後因為晚上9時30後入座，佢地再贈送一份牛側胸肉。我地再揀左新推出既信洲特選和牛盛，除左有三個部位外另外再送一碟澳洲五花趾。三款肉既口感「羽下肉」入口即化，牛胸肉好重牛肉味，而赤身則大大塊，質感唔錯。仲叫左一碟吊龍伴及滑尾龍，兩樣都好出色👍👍👍仲叫左一份蝦滑、水蓮菜、黑柏葉、烏冬，蝦滑彈牙，水蓮菜新鮮，而黑柏葉因為切絲原因，感覺口感唔夠、烏冬配上胡麻醬和辣油，味道昇華左。同兄弟一齊黎食，叫左一支藍味啤酒，慢慢吹水，慢慢食。