如意冰室私房菜 (已結業)

身為九龍人，我甚少過海，早排偶然過港島行街，途經灣仔嘅如意冰室私房菜，就入去食個 tea，咁啱當日大部分店員都冇返工，人手有限，所以顧客要食嘢嘅話，就要自己落單交畀店員，食完嘢就自己將錢放入個箱，不設找續。雖然全部自助，等嘅時間又比較耐，但係店內秩序井然，冇投訴，冇不滿，食完個個會畀錢，冇走數，冇後數，亦冇之後補。叫咗個香脆雞翼撈公仔麵配凍檸茶，又係人手關係，全部用哂紙杯膠碗，呢方面係可以諒解嘅。撈麵用嘅係秘製沙嗲汁，味道微辣偏濃，仲有陣陣花生香，好正👍；雞翼有三大隻，每隻都醃得足味，炸得香脆。以茶記下午茶嚟講，呢碗嘅水準絕對唔錯。