Awesomeism CAVE (已結業)

最近碌ig成日見到E間Awesomeism Cave好多人打卡, 而且佢地嘅scone都好多好評, 中意食scone嘅車車今晚就同朋友一齊去試下! 餐廳位於尖沙咀k11 Art Mall入面, 要穿過通道先搵到, 有少少隱蔽, 十足一個山洞🙈 裝潢以黑色配搭銀色作主調, 打造科幻型格風🌟藍橙皮荔枝沙冰沙冰味道清新解渴, 岩哂夏日炎炎嘅天氣🌟焦糖海鹽奶昔奶昔質感厚厚的, 口感順滑帶香濃嘅焦糖海鹽味, 邪惡度100🌟墨汁海鮮意大利飯粒粒意大利飯圓潤飽滿, 帶子厚肉鮮味, 整體味道不錯🌟花生醬鹹蛋黃單骨雞翼沒有最邪惡只有更邪惡😈入口先係甘香惹味嘅鹹蛋黃味, 之後花生醬味會慢慢湧出嚟, 嘩～幾超邪惡嘅兩樣食材混合, 估唔到咁夾喎🌟酸梅BBQ醬單骨雞翼酸酸甜甜嘅醬汁食落惹味又開胃, 車車就比較中意E款雞翼🌟自家製提子及原味英式鬆餅終於嚟到重頭戲, 今晚嘅主角英式鬆餅, 一上枱已經聞到好香好香嘅牛油味, 頂層係烤得好靚嘅焦糖色, 旁邊擺左兩樽藍莓果醬同clotted cream, 搽上厚厚嘅clotted cream同酸酸甜甜嘅果醬, 非常滿足!