影片
更多
2021-10-08
91 浏览
餐廳主打農家菜，蔬菜、乳鴿等食材來自自設農場，以創新手法呈現本土食材原味。星期六晚室內外座無虛席，好彩訂咗位。🍴花雕醉蝦 HK$58第一次食用大頭蝦整嘅醉蝦，大頭蝦本身肉質較腍，凍食會實淨少少，濃濃花雕酒香之中帶有滷水風味，盡是醉人複雜香氣。🍴荔之趣脆 HK$68荔枝外表入面係黑松露蝦丸，炸得幾香，但唔夠彈牙。🍴爆汁乳鴿原價68蚊，新張期間晚市每兩位送一隻，乳鴿由自設農場飼養，外皮香脆，嫩滑多汁，唔點淮鹽、喼汁都夠晒鹹香，皆因浸鴿滷水由十幾種藥材磨粉再加本地老牌腐乳煮成，皮、肉、骨都好入味。🍴山寨叉燒 HK$168以美國牛小排代替豬肉製成叉燒，表面帶點叉燒應有焦脆，牛肉無過熟，肉質柔軟，蜜汁包住濃濃牛味，落少少酢橘汁更能提鮮。🍴天作之盒 HK$88南瓜蒸得熟透，甘甜軟滑，盛載住嫩滑瑤柱蒸蛋，無乜花巧調味，盡顯食材原味。🍴蜑家水果粟 HK$78選用本地種植日本白粟米，極之甜美，加入四川辣椒乾、炸蒜及乾葱，以避風塘手法爆炒，香辣惹味，鑊氣更勝大牌檔。¸🍴牛榛仔 HK$49牛公仔外表入面係榛子朱古力醬，朱古力味濃郁，唔會太甜，食嘅時候小心醬爆。🍴熊仔芝士蛋糕 HK$38熊仔彈下彈下，口感似啫
餐廳主打農家菜，蔬菜、乳鴿等食材來自自設農場，以創新手法呈現本土食材原味。星期六晚室內外座無虛席，好彩訂咗位。
🍴花雕醉蝦 HK$58
第一次食用大頭蝦整嘅醉蝦，大頭蝦本身肉質較腍，凍食會實淨少少，濃濃花雕酒香之中帶有滷水風味，盡是醉人複雜香氣。
🍴荔之趣脆 HK$68
荔枝外表入面係黑松露蝦丸，炸得幾香，但唔夠彈牙。
🍴爆汁乳鴿
原價68蚊，新張期間晚市每兩位送一隻，乳鴿由自設農場飼養，外皮香脆，嫩滑多汁，唔點淮鹽、喼汁都夠晒鹹香，皆因浸鴿滷水由十幾種藥材磨粉再加本地老牌腐乳煮成，皮、肉、骨都好入味。
🍴山寨叉燒 HK$168
以美國牛小排代替豬肉製成叉燒，表面帶點叉燒應有焦脆，牛肉無過熟，肉質柔軟，蜜汁包住濃濃牛味，落少少酢橘汁更能提鮮。
🍴天作之盒 HK$88
南瓜蒸得熟透，甘甜軟滑，盛載住嫩滑瑤柱蒸蛋，無乜花巧調味，盡顯食材原味。
🍴蜑家水果粟 HK$78
選用本地種植日本白粟米，極之甜美，加入四川辣椒乾、炸蒜及乾葱，以避風塘手法爆炒，香辣惹味，鑊氣更勝大牌檔。¸
🍴牛榛仔 HK$49
牛公仔外表入面係榛子朱古力醬，朱古力味濃郁，唔會太甜，食嘅時候小心醬爆。
🍴熊仔芝士蛋糕 HK$38
熊仔彈下彈下，口感似啫喱。
📍農
沙田白石角香港科學園第二期科技大道西10號浚湖樓地下S041A號舖
张贴
