農

营业中

休息中

前幾日同朋友趁住weekend黎到科學園，夜晚就去左呢間中菜餐廳dinner。呢到有室內同室外座位，不過都好滿座下。首先一開始每位都會有半隻乳鴿，乳鴿食落皮脆肉嫩，會爆汁，幾好味。荔之趣脆 外表同一粒荔枝好似，但入面其實係黑松露蝦膠，食落彈牙。花雕醉蝦聞落好香花雕酒味，食落蝦肉鮮甜大隻。火雲叉燒店員會即刻喺我哋面前點火，叉燒就會有微微烤焦嘅效果，甜甜地，肉質鮮嫩好味。豬油撈飯配左豉油同豬油嘅飯係特別香嘅。天作之盒 係原隻南瓜裝住蒸蛋，蒸蛋都幾滑，仲可以食晒側邊啲南瓜肉，南瓜清甜。蜑家水果栗係避風塘粟米，都幾特別，冇喺其他地方試過。辣味十足，同時又不失粟米嘅清甜味。農莊包點係好可愛嘅豬仔樣，入面係朱古力流心，幾好味。熊仔芝士蛋糕有隻好可愛嘅熊仔奶凍，係士多啤梨味嘅，唔會好甜。芝士蛋糕幾creamy濃厚。食到好飽，開心。