富臨皇宮

营业中

休息中

秋風起，又係食大閘蟹嘅時候啦～朋友問我食唔食2小時任大閘蟹放題喎！梗係食啦！每位客人仲享有珍味四饌，包括金湯小米燴燕窩、蠔皇原隻鮑魚、蟹粉扒豆苗及回味欖角骨添！酒樓環境都幾舒適，適合一家大細嘅家庭聚會。由入座起計2小時任食，清蒸、油鹽焗及花雕蒸的大閘蟹各具特色，記得食幾多先好叫幾多啦，唔好浪費，蟹肥多膏，肉質鮮美，金陵片皮鴨熱辣辣皮脆肉嫩，搭配特製醬汁，餅皮都幾新鮮。另外可以自己拎嘢飲，仲有好多款小食甜品主食，例如：卜卜脆蘿蔔及手拍青瓜，口感清新爽口。臘味糯米飯、湛江沙蓄豬手都幾高質，值得推薦。