胡爐 (已結業)

呢排天氣涼浸浸好舒服，最啱就打下邊爐喇！呢度位於尖沙咀厚福街一大廈入面，lift 門一打開，就見到中國風嘅設計、擺設、屏風等等...隔間四四正正咁。侍應介紹我地試吓個金湯鴿翅花膠鍋，話真材實料，一定無介紹錯喎！見大部份係貴價食材，一於豪下啦！個鍋真係超足料呀！侍應建議先飲兩碗湯先，真係清甜好味。湯底：原隻乳鴿，餚左好耐都依然又甜又嫩滑。鍋面個pat 金翅份量好多，橙金色好靚，有咬口。花膠有成四、五舊大大舊，厚肉又養顏。居然鮑魚都有隻，煙韌鮮甜。大南瓜令到湯底好香甜，南瓜肉入口又綿。蘇格蘭聖子：大大隻，鮮甜爽口桂花蚌：新鮮鮮味，入口好滑鮑魚：煙韌又鮮味。今晚真係大滿足！高質食材同服務，樣樣都好正！