影片
更多
2018-11-09
23 浏览
涼風有信，秋月無邊。又係食雞煲打邊爐嘅好時候 ，上次嘅雞煲耳猶未盡 ，今日再下一城 ，嚟個任食足足兩小時嘅雞煲 。今次就去咗位於旺角兆萬中心17樓嘅紅火雞煲 。主打嘅雞煲揀咗醉雞藥膳雞煲 。同樣地大大煲 ，個蓋冚住都傳出陣陣嘅中藥味同花雕酒味 。香味已經先聲奪人 ，好心急呀，快啲滾起就可以食。 雞件勁多，食極都有，入口帶住絲絲中藥啲種苦味，但回甘。配料方面亦都有好多選擇， 要推介嘅就係墨魚滑， 真心食落口幾彈牙。同埋個年糕都好，食煙煙韌韌咁。 仲有個冰豆腐，索曬啲湯汁勁好食。 另外個芝心丸都係要讚嘅，一咬落去芝士爆曬出嚟，食嘅時候小心熱啦。牛肉方面有薄切，烚兩烚就食得，亦都可以揀牛柳粒，但係就要煮耐啲 ，食落口煙韌一啲，嚼勁多啲。 另外個豬頸肉切成條狀，都幾爽口，不錯不錯。瓜菜類方面嘅選擇都好多 ，同場加映加30蚊可以任食刺身，加20蚊仲可以食埋手切肥牛添。飲品吧嗰方面有可樂有茶等等。要推介嘅就係自家製嘅竹蔗茅根， 飲落口清清地唔算太甜 ，攞嚟下火就最啱。配料吧嗰度有豬紅，青瓜同炸三文魚，作為餐前小食。仲有雀巢雪糕畀你食，有紅豆，朱古力，雲呢拿，香芋味齊曬。枱上面有一個層架可以放上三碟
今次就去咗位於旺角兆萬中心17樓嘅紅火雞煲 。主打嘅雞煲揀咗醉雞藥膳雞煲 。同樣地大大煲 ，個蓋冚住都傳出陣陣嘅中藥味同花雕酒味 。香味已經先聲奪人 ，好心急呀，快啲滾起就可以食。 雞件勁多，食極都有，入口帶住絲絲中藥啲種苦味，但回甘。
配料方面亦都有好多選擇， 要推介嘅就係墨魚滑， 真心食落口幾彈牙。同埋個年糕都好，食煙煙韌韌咁。 仲有個冰豆腐，索曬啲湯汁勁好食。 另外個芝心丸都係要讚嘅，一咬落去芝士爆曬出嚟，食嘅時候小心熱啦。
牛肉方面有薄切，烚兩烚就食得，亦都可以揀牛柳粒，但係就要煮耐啲 ，食落口煙韌一啲，嚼勁多啲。 另外個豬頸肉切成條狀，都幾爽口，不錯不錯。
瓜菜類方面嘅選擇都好多 ，同場加映加30蚊可以任食刺身，加20蚊仲可以食埋手切肥牛添。
飲品吧嗰方面有可樂有茶等等。要推介嘅就係自家製嘅竹蔗茅根， 飲落口清清地唔算太甜 ，攞嚟下火就最啱。
配料吧嗰度有豬紅，青瓜同炸三文魚，作為餐前小食。
仲有雀巢雪糕畀你食，有紅豆，朱古力，雲呢拿，香芋味齊曬。
枱上面有一個層架可以放上三碟食材 ，慳返好多位。 點餐紙上日都可以俾你揀份量多或少，因應唔同食量，咁就唔會浪費食物喇 。
埋單都只不過係二百蚊鬆啲一個頭， 乜都有得食 ，一個字平靚正，sorry ，係三個字先真。lol
张贴
