影片
更多
2021-10-27
90 浏览
之前食同朋友食過荃灣分店，抵食又高質，今次就嚟旺角分店試吓～揀最平嘅套餐Ａ已經好夠食，配料用qr code落單，飲品、醬料、菜同雪糕就自己出去拎嘅，都幾多選擇。辣度揀咗小辣，雞煲好快就送到。食食吓先記得影相，因為實在太好食18樓雞煲嘅調味真係令人好上癮，辣中帶麻，麻中帶香，非常之咁惹味。雞肉都夠滑唔鞋口，百零蚊真係淨係食個雞煲都抵啦！食到咁上下就加雞湯打邊爐，私心推薦以下幾款配料：雪花肥牛肥牛唔會太肥，而且冇筋，有牛味，有驚喜白鱔片都幾surprise呢個價位嘅任食火鍋竟然有白鱔片，食落重要係新鮮爽口嗰隻，正！自家製響鈴熱辣辣新鮮炸起，非常香脆，不過食完好飽是日海鮮今次嘅是日海鮮係蟶子，冇沙、新鮮！墨魚鬚彈牙爽滑，一啲都唔韌。脆魚鯇肉質脆口結實，淡淡肉冇乜骨。萵筍肉質脆嫩，栗米都好甜次次都一定會留肚食雪糕，今日嘅雪糕係原味乳酪／抹茶，兩款都唔錯，重可以加爆珠同椰果
揀最平嘅套餐Ａ已經好夠食，配料用qr code落單，飲品、醬料、菜同雪糕就自己出去拎嘅，都幾多選擇。
辣度揀咗小辣，雞煲好快就送到。食食吓先記得影相，因為實在太好食18樓雞煲嘅調味真係令人好上癮，辣中帶麻，麻中帶香，非常之咁惹味。雞肉都夠滑唔鞋口，百零蚊真係淨係食個雞煲都抵啦！
食到咁上下就加雞湯打邊爐，私心推薦以下幾款配料：
雪花肥牛肥牛唔會太肥，而且冇筋，有牛味，有驚喜
白鱔片都幾surprise呢個價位嘅任食火鍋竟然有白鱔片，食落重要係新鮮爽口嗰隻，正！
自家製響鈴熱辣辣新鮮炸起，非常香脆，不過食完好飽
是日海鮮今次嘅是日海鮮係蟶子，冇沙、新鮮！
墨魚鬚彈牙爽滑，一啲都唔韌。
脆魚鯇
肉質脆口結實，淡淡肉冇乜骨。
萵筍肉質脆嫩，栗米都好甜
次次都一定會留肚食雪糕，今日嘅雪糕係原味乳酪／抹茶，兩款都唔錯，重可以加爆珠同椰果
张贴
