酒鍋 (天文臺道) (已結業)

秋風起，又是出動食火鍋季節了。雖然話香港一年四季都可以食火鍋，但我個人認為涼啲凍啲食起來會更加美味。今晚食豪啲，佛跳牆湯底。用料真的ok喎！有爽口的海蔘，滋潤的花膠，質感的鮑魚....淨係材料己吸引。先嚐湯底，清甜好味，鮮味盡出。食火鍋牛肉是指定動作，一排的安格斯牛小排賣相搞鬼。牛肉質素上盛，入口軟綿，牛脂香溢。黑漆漆的肥媽墨汁腸賣相並不吸引，味道卻意外地好味。墨汁魷魚味香濃突顯，有𡁻口。紫菜嚮鈴卷即叫即炸，伴以酸甜汁，即食又香又脆。另可放湯數秒，吸入湯汁，味道一様佳品。黑松露蝦蟹餃粒粒飽滿，皮薄餡料豐富。黑松露味並不突出，餡料鮮味就好重，好正啊！如果鐘意嚐辣，鴨血一定要試，那種麻辣感覺慢慢滲出，惹味又誘惑。食火鍋始終比較熱氣，飲番一支薏米檸檬水下火最好不過。