安安燒 (染布房街) (已結業)

安安燒秋風起，就有BBQ燒烤之意，不過今次就係去食燒物，位於旺角嘅安安燒真係不二之選，位置唔難搵，喺麥花臣球場後面，落車後都係行一陣就到。重點推介嘅首選有蟶子皇，多蒜多葱少辣，燒起嚟又唔會令到肉身太韌，食落啖啖肉，鮮味仍然保存得到。焗金菇有兩款，一款係蒜蓉牛油，另一款係沙嗲醬，個人就比較喜歡蒜蓉牛油夠惹味，沙嗲口味雖然香濃，但略嫌食落口同金菇好似有少少唔夾咁，所以我會推介前者。另一樣必叫食物當然係燒茄子，基本上以前去深圳每次食燒物都會點選的。茄子肉身淋而入口，份量大到我認為4個人點一份就足夠，因為仲要留肚品嚐其他美食。有兩樣串燒我認為都是必選，燒鱔及雞軟骨，燒鱔真係非常出色，皮脆肉嫩，肉汁得以保留。雞軟骨外脆，食落非常爽品，可以叫返杯生啤，作為送酒小食。