Pho星登陸越球 (已結業)

秋風起又係食大閘蟹嘅時間，今次我揀咗Pho星登陸越球餐廳嘅期間限定 88分鐘任食江蘇大閘蟹 + 越菜放題。食大閘蟹梗係食最重五両至六両㗎啦，中🤩🤩🤩88分鐘好似睇落好少，但其實真係食到你變咗有個大肚腩🤣🤣，佢係上菜嗰一刻先至會開始計時⌛️其實我最後都係靜剩咗15分鐘，慢慢坐喺度飲嘢同食埋剩低嘅小食🙊🙊🤣介紹吓啲大閘蟹先，大閘蟹用清蒸嘅方法烹調，蟹肉鮮美，原汁原味❤️❤️大閘蟹隻隻都有飽滿嘅蟹膏，蟹膏濃郁鮮美，蟹肉超級鮮甜，齒頰留香。我哋食咗八隻，已經飽到爆🥳🥳大家除咗可以品嚐美味嘅大閘蟹之外，仲可以食越菜放題，啲嘢食非常有質素，大家一定要試佢嘅生牛河，湯底味道濃郁，一個人真係可以食晒成碗！去啲沙嗲串燒都唔惹少，調味料好正，食落有炭燒嘅香味，超惹味！！我哋都encore多幾串👍👍❤️另外佢仲有花枝丸都炸得好香口；鰻魚大大條，都幾肥美！蟹粥都唔錯啊！所以大家記得食晒佢所有款嘅越式放題啊！佢份量唔算好多，所以唔使驚會食唔晒，每一樣叫少少試吓，啱食先再encore ！嘢飲我都encore左兩杯🤣🤣🤣呢度嘅選擇的確幾多，而且食物係高質，服務態度又好，食得又好舒適，值得光顧啊！