影片
更多
2018-11-22
69 浏览
天文台預告天氣開始轉冷，除左著多件衫之餘，就梗係去打個邊爐，熱一熱身先啦，今次就黎食馬辣台式鴛鴦火鍋，book左位，好快就入座，餐廳環境都幾闊落，大部分都係卡位，唔會好逼，可以舒舒服服食足兩小時。打邊爐最緊要係個湯底，首選當然係揀台式麻辣鍋，嗌左一隻辣椒既辣度，𥚃面有大大塊鴨血、滷豆腐，仲可以refill ，感覺湯底既調味係調整過，比較適合香港人口味。開頭食落唔算好麻辣，似三哥五小辣，之後湯底愈滾愈濃，煲晒d麻辣味出黎，再加入吸味既火鍋配料，重口味之選。另外果邊就揀左酸菜白肉鍋，湯底清清地，加入大量酸菜，味道微酸，幾開胃，d酸菜食落都唔錯。自助醬料區，基本既調料都有齊晒，自己混自己既醬。呢度既玩法係肉類海鮮要劃紙仔order，出菜速度都好快手，無試過漏單。肉類:7款肉類，淨係牛肉都有4款級數俾你揀，根據同行者意見，得出以下評價rime頂級牛五花: 油花唔算多，牛味比較重，肉質嫩滑。Choice 無骨牛小排：肉質比較結實，食落帶有筋度。海鮮類：試左海蝦串，都幾新鮮，肉質爽口，唔會梅梅爛爛。火鍋料分佈於4個凍櫃，自助形式，食幾多夾幾多，可以避免浪費，食材選擇相當豐富，一般打邊爐既大路配料都
打邊爐最緊要係個湯底，首選當然係揀台式麻辣鍋，嗌左一隻辣椒既辣度，𥚃面有大大塊鴨血、滷豆腐，仲可以refill ，感覺湯底既調味係調整過，比較適合香港人口味。
開頭食落唔算好麻辣，似三哥五小辣，之後湯底愈滾愈濃，煲晒d麻辣味出黎，再加入吸味既火鍋配料，重口味之選。
另外果邊就揀左酸菜白肉鍋，湯底清清地，加入大量酸菜，味道微酸，幾開胃，d酸菜食落都唔錯。
自助醬料區，基本既調料都有齊晒，自己混自己既醬。
呢度既玩法係肉類海鮮要劃紙仔order，出菜速度都好快手，無試過漏單。
肉類:
7款肉類，淨係牛肉都有4款級數俾你揀，根據同行者意見，得出以下評價:
Prime頂級牛五花: 油花唔算多，牛味比較重，肉質嫩滑。
Choice 無骨牛小排：肉質比較結實，食落帶有筋度。
海鮮類：
試左海蝦串，都幾新鮮，肉質爽口，唔會梅梅爛爛。
火鍋料分佈於4個凍櫃，自助形式，食幾多夾幾多，可以避免浪費，食材選擇相當豐富，一般打邊爐既大路配料都有齊晒，其他少見特別d既呢度都有，可惜係個胃無咁多容量試晒每一款。
自家製餃子
店員呀姨人手包既韮菜豬肉餃同洋蔥牛肉餃，大大粒，雖然菜多過肉，但勝左夠新鮮。
丸類選擇都有唔少，其中比較特別有薑汁皮旦貢丸，呢個配搭出奇地夾，忍唔住來回食左好幾粒。
麻吉燒口感似湯圓，煙煙韌韌，包入花生、芝麻內餡，咸咸甜甜，又幾好食。
鹵水豬大腸，大腸肥美，鹵得入味軟稔，放入麻辣鍋索晒d湯汁真係無得頂。
花膠好食到又係要不停encore；鮮鵝腸爽脆，洗得好乾淨，又係索湯汁一流既配料。
滾到咁上下，開始飽飽地，就轉攻甜品，有DREYER'S經典味道，fruttato gelato有豆腐味、榴連味、益力多味、蜂蜜牛奶味雪糕，就算飽都食左3、4轉，因為真係好好食；另一個凍櫃就有雪糕糯米慈、紅豆雪條、甜筒等。
店員既服務態度都幾好，做野爽手，又會主動幫你加湯，清走多餘既碗碟。
埋單每位$158加一，性價比真係超晒班，任飲任食兩小時，食物飲品(淨係啤酒都有好幾款牌子你飲)又多選擇，唔會黎黎去去都係得幾款咁悶，食完滿足到捧住個肚走。
张贴
