秋田浜燒食堂

营业中

休息中

朋友之前試過秋田嘅鐵板燒 覺得唔錯 所以今次特登去秋田浜燒食堂 試吓佢嘅燒海鮮😋我哋揀咗北海漁港嘅二人餐 除咗二人餐之外 餐廳仲可以玩遊戲 只要like左社交平台page 就可以玩一手抓蝦 捉到幾多隻就可以免費送俾你 朋友捉到六隻 我哋一半要刺身 一半要燒 刺身嘅食法十分鮮甜彈牙 而炭燒就好香口 我就比較鍾意刺身嘅食法😋值得一提係呢間餐廳嘅服務亦都好好 所有要燒嘅海鮮都會有員工為你服務 而且會解釋得好詳盡 👍海鮮拼盤份量好多 首先係燒鮑魚 燒嘅時候仲見到佢郁緊 雖然好似有啲殘忍 但代表佢相當新鮮食落都好彈牙😛燒蠔都好肥美 店員話會加sake一齊煮 可以更突顯佢嘅鮮味👍我最鍾意係甲羅燒 蟹膏相當鮮甜 同埋睇住店員主我先知甲羅燒裏面會有鵪鶉蛋😳麵包加咗牛油去烘 好脆 配埋蟹膏好好味😋九州松葉蟹亦都好清甜 份量亦都唔少 啖啖肉🥰其實食晒啲前菜同埋燒海鮮都已經有接近八成飽 但呢個套餐仲包主食 我哋揀咗茶漬鰻魚飯 茶味好香 即使食飯 都可以幫我哋唔好太滯~最後仲有雪糕 我揀咗芝麻味 好濃郁 相當滿足 🥰