等等HEA

营业中

休息中

秋天又系食大闸蟹嘅季节，今次拣咗一间九龙城餐厅，餐厅联乘大闸蟹教主，由拣蟹方面已经落足功夫，确保蟹嘅质素。店主仲有食神韬哥教路，不断改良做法，非常有心。大闸蟹88分钟放题分咗3个时段、以及4个size (小、中、大、特大）收费，今次试咗中size，一坐低店员会先上一转大闸蟹先开始计时，最惊喜嘅系大闸蟹除咗清蒸，仲有玫瑰露花雕醉、盐焗、麻辣味道。清蒸大闸蟹最传统既做法，完全保留左大闸蟹既原汁原味，蟹膏鲜甜，口感丰腴，品尝到大闸蟹最真膏既滋味。玫瑰露花雕醉大闸蟹花雕醉大闸蟹都系第一次试，香气馥郁而清甜，非常入味，值得一试。盐焗大闸蟹店主改良咗好多次，盐焗过嘅大闸蟹完全唔干身，食落去有少少咸香味，非常惹味。麻辣大闸蟹大闸蟹炸至香脆，每一口都充满住麻辣既刺激和大闸蟹既鲜美，钟意辣嘅朋友一定要试。另外仲有多款小食：蟹粉水饺、生滚大闸蟹粥、蟹油香辣鸡煲、合式肠蟹粉糯米饭、蟹粉澎湖花枝丸、蟹粉爆汁贡丸、一口麻辣鸭血、万华街蚵仔卤肉饭、阿宗面线、士林盐酥鸡粒、蟹粉卤肉时菜、蟹油多春鱼，选择非常丰富。推介生滚大闸蟹粥，加入左蟹膏、蟹黄一齐滚，口感软绵绵，每一啖都非常有鲜味。蟹粉澎湖花枝丸/蟹粉爆汁贡丸炸