HANA Korean Restaurant (已結業)

尖沙咀一帶韓食非常多，今次走左入一間pink pink 亮眼餐廳 HANA釜山魚糕烏冬 & 韓式牛肉烏冬，我同朋友都好鍾意食烏冬，呢度既烏冬超彈牙，軟硬度岩岩好又好滑! 上菜既時候仲會掛起一D係筷子上，打卡之外，仲唔會浸到烏冬發漲，可以慢慢享受。配料方面一串色雜錦魚糕好正宗既感覺，好有韓國味道呀! 配上熱辣辣又清甜的湯底， 唔會油膩。韓牛會分開上，炒埋蔬菜一齊上，好健康! 煎韓牛餃子超級脆，金黃色賣相得意比較圓鼓鼓，餡料非常多又非常 juicy。叫左pineapple soda 同peach soda，食完熱既烏冬同餃子再飲soda 真係超級爽。餐廳粉紅色既佈置非常有少女心，中午時間超多人，建議book 位先。店員都真係韓國人，溝通講英文，所以感覺呢間真係食到正宗韓國既味道。