小草十八怪石鍋米線 (已結業)

「小草十八怪石鍋米線」，雖然呢間餐廳個名怪怪地，但佢哋嘅食物一啲都唔怪！唔單止多樣化，亦好有風味。除咗可以食到石鍋米線，仲有多款熱騰騰嘅荷葉飯，同埋多種小食例如串燒、燒扇貝、炸雞、南乳雞翼、豆卜釀蝦膠、蔬菜等等，任君選擇。至於主打嘅石鍋米線就更精彩，有各式各樣嘅配料可以揀，除咗豬、牛、雞、魚等配料外，花膠、羊肚菌等特別嘅配料都有，真系搞到有選擇困難！我哋就揀咗九款配料～值得一贊嘅系米線非常軟滑可口，鯛魚片同牛肚嘅味道亦響水準之上。呢碗平凡中又帶點不平凡嘅米線令我哋有意外驚喜喔！