8鍋臭臭鍋 (金巴利道) (已結業)

好朋友有感情問題，有咩好得過食個飯傾晚計丫！我地兩個都係尖沙咀翻工，一於就試下呢排大熱嘅台式火鍋。可以慢慢食慢慢傾丫麻～8鍋位於有名為「韓國街」嘅金巴利街，唔算易搵，但七點鐘就已經差唔多滿座，好受歡迎好似！有名叫臭臭鍋，一入到去就有一陣陣嘅臭豆腐味！放心，係濃濃嘅香味嚟嘅。而呢到就有八種唔同口味嘅火鍋，主打就當然係臭臭鍋啦，而我今次就揀咗藥膳羊肉鍋。餐牌上有教客人點樣調製美味醬汁，三匙沙茶醬加兩匙豉油加一匙蒜容就可以做出「完美比例」xd 我就根足教學試試，個醬汁又真係夠哂惹味！藥膳羊肉鍋一鍋内配料就已經非常非常豐富！有大白菜、羊肉片、翡翠魚豆腐、台灣貢丸、香菇、粟米、沙白、凍豆腐和金菇支竹等。另外仲配埋珍珠米白飯，有十萬個豐富！羊肉鍋湯底偏濃，湯頭係深啡色，帶有一陣陣嘅藥膳香味。但又唔會怕藥味過重，亦帶有陣陣嘅清甜。最中意就係台式貢丸，大大粒又彈牙！吸哂湯嘅味道，咬落會彈汁，係正宗嘅台灣味道。另外大量嘅蔬菜類平衡翻打邊爐嘅肥膩感，尤其凍豆腐吸哂湯底精華，一咬成口都係濃濃嘅湯底，好好食！我同朋友仲另外加咗份麻吉燒。麻吉燒就係魚片夾咗年糕，係我至愛！麻吉燒嘅年糕軟綿綿，入口溶溶地，同朋友食