影片
更多
2023-10-12
320 浏览
大閘蟹季節又到Lu～好多酒樓都推出咗大閘蟹放題！見Klook做緊陶源酒家酒家85折🦀大閘蟹放題優惠，而且有我最愛嘅🦆片皮鴨，即刻買黎同屋企人一齊試下。星期五19：45黎到，個場都幾滿。坐低一陣之後餐廳就送上每位都有嘅花雕熟醉蟹一隻、鮑汁原隻鮑魚伴百靈菇及蟹粉扒豆苗等。呢三款都係無得encore，限定每位客人一份嘅。鮑魚彈牙入味，蟹粉扒豆苗嫩口無渣，都不錯。而花雕熟醉蟹就比之後任叫嘅蟹大隻少少，唔錯但味道上同之後任叫嘅蟹分別不大，所以無得再叫都唔使驚。佢地食物選擇都唔少，主食例如有生炒糯米飯、上海菜肉包、鳳城雞包仔、朱古力駕鴦奶黃包、流沙芝麻包、蟠桃大壽包等等。當中個人最中意係由潤嘅生炒糯米飯同特色朱古力鴛鴦奶黃包。另外出面自助區有椒鹽豬小排、椒鹽海中蝦、麻香四季豆、避風塘雞中翼等等，全部質素都不過不失，不過提提大家係酒樓冷氣開得比較大，最好mon住廚房一出就去攞，因為擺耐咗會容易變凍。驚凍咗嘅話，亦可以同侍應講，佢哋可以喺廚房攞啲熱啲嘅俾你。今餐嘅重點3款大閘蟹（鹽焗大閘蟹、太雕蒸大閘蟹、清蒸大閘蟹），以及京式片皮鴨，基本上全部都無令人失望，大閘蟹雖然說不上好大隻，但蟹膏金黃，黏口軟滑
星期五19：45黎到，個場都幾滿。坐低一陣之後餐廳就送上每位都有嘅花雕熟醉蟹一隻、鮑汁原隻鮑魚伴百靈菇及蟹粉扒豆苗等。呢三款都係無得encore，限定每位客人一份嘅。鮑魚彈牙入味，蟹粉扒豆苗嫩口無渣，都不錯。而花雕熟醉蟹就比之後任叫嘅蟹大隻少少，唔錯但味道上同之後任叫嘅蟹分別不大，所以無得再叫都唔使驚。
佢地食物選擇都唔少，主食例如有生炒糯米飯、上海菜肉包、鳳城雞包仔、朱古力駕鴦奶黃包、流沙芝麻包、蟠桃大壽包等等。當中個人最中意係由潤嘅生炒糯米飯同特色朱古力鴛鴦奶黃包。
另外出面自助區有椒鹽豬小排、椒鹽海中蝦、麻香四季豆、避風塘雞中翼等等，全部質素都不過不失，不過提提大家係酒樓冷氣開得比較大，最好mon住廚房一出就去攞，因為擺耐咗會容易變凍。驚凍咗嘅話，亦可以同侍應講，佢哋可以喺廚房攞啲熱啲嘅俾你。
今餐嘅重點3款大閘蟹（鹽焗大閘蟹、太雕蒸大閘蟹、清蒸大閘蟹），以及京式片皮鴨，基本上全部都無令人失望，大閘蟹雖然說不上好大隻，但蟹膏金黃，黏口軟滑甘甜鮮美，而片皮鴨就出爐速度夠快，次次食都新鮮熱辣，皮脆肉嫩，入口酥酥化化油香滿嘴，encore多次都意猶未盡。
💰折後人均$498（加一另計）
⏱任食兩小時
✨推薦：大閘蟹、京式片皮鴨
张贴
