滑蛋吉列豬扒丼
滿滿嘅滑蛋配上香脆嘅吉列豬扒，雞蛋份量多，而且處理得好好，口感真係幾滑，豬扒炸粉唔算厚，而且肉質都唔乾，整體香口，喺公司多數都會食呢個 😋
吉列炸蝦蕎麥麵
炸蝦大大隻，炸得剛剛好，夠曬脆 🤤 蕎麥麵煮得比較爽口，幾彈牙口感唔錯 😆 湯汁夠多夠香濃，仲有沙律伴碟，完全係大滿足 😍
紫菜粉絲卷
外脆內彈牙嘅紫菜粉絲卷，點埋蛋黃醬真係特別香口，炸粉又好薄，所以完全唔會漏 🙆🏻♀️
磯燒魷魚天婦羅配黑椒蛋黃醬
又係一個經常會同同事一齊叫嘅小食 😋 呢度 d 炸物真心好得，夠脆但炸粉唔會厚 👍🏻 魷魚非常彈牙，最正係個黑椒蛋黃醬，微微辣好香黑椒勁惹味 🤤 重點係份量好夠，share 左都可以大滿足 🤩
當你以為咁大份咁唔錯嘅丼飯會好貴嘅時候，其實呢度我地只係買左 $194 🙈 呢度嘅丼飯同埋麵、湯鍋都係大約係 40 幾到 60 頭左右（有個雙層鰻魚丼大約 $83），小食都係 2x～4x 😌 又平又多又好味，所以係我地公司最愛 😍 可謂小編私藏飯堂之一 😎 另外都推介大家試下日式咖喱豬扒蛋蓋飯，同埋出糧必食大盛雙層鰻魚丼 🤩
1
1
