富寶會所私房菜

营业中

休息中

平時就算唔係大時大節，一家人想食好啲都會去富寶會所食私房菜，就算唔預訂海鮮，炒個小菜都好抵食。有時啲侍應都認得我哋一家人，會留張靚枱俾我哋。今次訂咗條海東星班，靚魚真係普通薑蔥蒸已經好鮮甜，師傅好有功架，條魚好厚但係熟度啱啱好，魚肉超滑。另外留左少少海赤米蝦，白灼健康啲，米蝦仔細細隻但肉質彈牙又夠鮮，點豉油送下酒都唔錯。老人家有時怕食飯太滯，我哋鍾意叫潮式炸豆腐，飽肚又富蛋白質。用鹽水炸，鹹鹹地好好味。