飲茶‧私房菜 (南豐大廈) (已結業)

做新派點心的中菜飲茶就聽過，但做埋私房菜都係第一次，多得朋友介紹，依餐才可以大飽口福。金沙魚皮+炸蝦邪惡的食物永遠都係最吸引，最好味，入口酥脆，蝦炸到殼都可以食。酸菜湯金魚餃一般金魚就唔食得，但依條金魚就可以食，店員會淋上酸菜湯，令餃子的蝦肉帶點酸菜味，吃得更滋味。古法茶勳雞齊來一個煙勳體驗，店員會在上枱後才開蓋子，煙霧雖彌漫，但陣陣的茶香味令你目不轉睛望著主角出現。煮得剛剛好，雞肉非常嫰滑。薑蔥蟹炒腸粉又一期待的菜式，除左蟹肉係好味，腸粉吸盡所有精華，味道可比美蟹肉，依個菜式究竟邊位係主角？日本蕃薯雞湯浸芥菜食完濃味，是時候吃清淡一點，解解油膩感，蕃薯非常清甜，而且將我最討厭帶有苦味的芥菜也變的甜甜地。陽江土鍋蠔飯配有大量的芫茜和蔥，與蠔飯非常夾，令你不知不覺多食幾碗。鴿吞鳳梨，入口有台灣的感覺，外脆內嫰，帶一點酸，也甜甜的，值得一吃。