嚐味舫 (已結業)

唔係朋友介紹，其實真係唔識搵到黎呢度。諗住平平哋食一餐lunch，估唔到係非常之有驚喜！蜜椒雞翼不愧為招牌菜，外脆內軟，雞翼好大隻，蜜糖甜絲絲好好食，擺耐左都仲係脆既！魚香茄子好有鑊氣，味道啱啱好！瑤柱肉鬆蒸水蛋好滑，加埋豉油簡簡單單都好食既一道菜，仲有間中會推出嘅聖子王，都係非常之大隻，煮得好好食而且都只係午餐價！已成飯堂！