影片
更多
2025-07-11
42 浏览
🍽️半島漁港📍觀塘秀茂坪秀明道101號秀茂坪商場2樓203號舖酒樓位置好易搵，一出𨋢就見到，地方幾大，首先要讚一讚啲阿姐，手腳真係好快，一坐低就嚟開茶、倒水，換骨碟、收碗碟都好主動，唔使等舉手叫~極品BB豬($1優惠)真係一蚊雞，抵到冇朋友，豬皮燒得香脆，肉質嫩滑，脂肪唔多，份量夠三、四個人每人試一兩件，咁抵食一定要叫返份~BB乳鴿 即叫即炸，撕開有肉汁流出來，香口到不得了，我哋食完一隻唔夠候，又再叫多兩隻分嚟食~蒜子陳皮蒸瓜子斑頭腩斑頭腩多膠質，口感好滑，用蒜子同陳皮蒸，夠曬惹味!~翡翠炒瓜子斑球斑球起得幾厚肉，火候控制得好好，肉質嫩滑鮮甜，配上西蘭顏色靚得嚟味道清爽~上湯海蝦伊麵海蝦好大隻，肉質夠新鮮，結實彈牙，伊麵煮得啱啱好，冇淋哂，索曬上湯嘅精華，個湯底都幾鮮甜，唔會死鹹~薑蔥台山桶蠔啲蠔真係大隻又肥美，外皮輕輕炸過再炒，保持到裏面滑溜，蠔味夠濃，送飯一流~淮山雲耳炒鮮百合點都要叫返個清清地嘅菜，淮山、雲耳鮮百同炒得夠鑊氣又唔油膩，好味
📍觀塘秀茂坪秀明道101號秀茂坪商場2樓203號舖
酒樓位置好易搵，一出𨋢就見到，地方幾大，首先要讚一讚啲阿姐，手腳真係好快，一坐低就嚟開茶、倒水，換骨碟、收碗碟都好主動，唔使等舉手叫
~極品BB豬($1優惠)
真係一蚊雞，抵到冇朋友，豬皮燒得香脆，肉質嫩滑，脂肪唔多，份量夠三、四個人每人試一兩件，咁抵食一定要叫返份
~BB乳鴿
即叫即炸，撕開有肉汁流出來，香口到不得了，我哋食完一隻唔夠候，又再叫多兩隻分嚟食
~蒜子陳皮蒸瓜子斑頭腩
斑頭腩多膠質，口感好滑，用蒜子同陳皮蒸，夠曬惹味!
~翡翠炒瓜子斑球
斑球起得幾厚肉，火候控制得好好，肉質嫩滑鮮甜，配上西蘭顏色靚得嚟味道清爽
~上湯海蝦伊麵
海蝦好大隻，肉質夠新鮮，結實彈牙，伊麵煮得啱啱好，冇淋哂，索曬上湯嘅精華，個湯底都幾鮮甜，唔會死鹹
~薑蔥台山桶蠔
啲蠔真係大隻又肥美，外皮輕輕炸過再炒，保持到裏面滑溜，蠔味夠濃，送飯一流
~淮山雲耳炒鮮百合
點都要叫返個清清地嘅菜，淮山、雲耳鮮百同炒得夠鑊氣又唔油膩，好味
张贴
