影片
更多
2019-07-11
344 浏览
#寶寶雞煲 (太子)太子基隆街11號地下-----媽咪日日都要煮飯洗碗咁辛苦 難得B仔放假 就帶屋企人出街食下雞煲 等媽咪仔可以休息一日 呢間雞煲並無華麗嘅外表 裝修行街坊樸實風 但味道卻係實實在在地高質😊-滋補醉雞鍋（$168-半隻新鮮雞）🐔話明係雞煲 第一樣要揀嘅野當然係食邊種雞煲 呢度雞煲選擇差不多有成20種 有辣有唔辣 亦可以揀冰鮮雞或者新鮮雞 兩者價錢大概差$30左右 由於媽咪Daddy鍾意健康啲 所以我哋就揀咗比較養生嘅新鮮雞醉雞鍋黎試下 醉雞鍋入面有當歸 淮山 紅棗 龍眼肉 藥材 杞子等等 湯底非常足料😆淨係紅棗都差不多有起碼10粒以上 龍眼肉粒粒飽滿 新鮮雞嘅肉質明顯比冰鮮雞紮實 無咩脂肪 煲完之後 成個湯底有酒味得黎 清甜到不得了 雞油香濃郁 爲食完雞煲之後嘅火鍋打咗個靚底-Q版生根（$18-半份）味道同平時啲山根其實係一樣 但係由於湯底高質 令到索左湯汁嘅生根味道得到昇華 所以變得好好食 外型仲要超級可愛 細細粒 有好多好多粒 雖然只係半份 都已經夠我地一家四口食～😁-原個大魚頭 （$168）魚頭非常新鮮 毫冇腥味 份量好多 質感滑溜 必點之選😆-忘不了魚皮餃（$2
太子基隆街11號地下
-----
媽咪日日都要煮飯洗碗咁辛苦 難得B仔放假 就帶屋企人出街食下雞煲 等媽咪仔可以休息一日 呢間雞煲並無華麗嘅外表 裝修行街坊樸實風 但味道卻係實實在在地高質😊
-
滋補醉雞鍋（$168-半隻新鮮雞）🐔話明係雞煲 第一樣要揀嘅野當然係食邊種雞煲 呢度雞煲選擇差不多有成20種 有辣有唔辣 亦可以揀冰鮮雞或者新鮮雞 兩者價錢大概差$30左右 由於媽咪Daddy鍾意健康啲 所以我哋就揀咗比較養生嘅新鮮雞醉雞鍋黎試下 醉雞鍋入面有當歸 淮山 紅棗 龍眼肉 藥材 杞子等等 湯底非常足料😆淨係紅棗都差不多有起碼10粒以上 龍眼肉粒粒飽滿 新鮮雞嘅肉質明顯比冰鮮雞紮實 無咩脂肪 煲完之後 成個湯底有酒味得黎 清甜到不得了 雞油香濃郁 爲食完雞煲之後嘅火鍋打咗個靚底
-
Q版生根（$18-半份）味道同平時啲山根其實係一樣 但係由於湯底高質 令到索左湯汁嘅生根味道得到昇華 所以變得好好食 外型仲要超級可愛 細細粒 有好多好多粒 雖然只係半份 都已經夠我地一家四口食～😁
-
原個大魚頭 （$168）魚頭非常新鮮 毫冇腥味 份量好多 質感滑溜 必點之選😆
-
忘不了魚皮餃（$20-半份）B仔非常鍾意食四海魚皮餃 好多時火鍋店自家製嘅魚皮餃都不及四海魚皮餃好食 而呢一次 係第一次令我覺得 有自家製嘅魚皮餃比四海好食 餃皮比四海煙韌 內餡調味亦更濃郁 的確係令人忘不了 正😚
-
別不同流心芝士丸（$20-半份）呢一隻流心芝士丸來貨價比較貴 唔多火鍋店選用 之前B仔係另一間火鍋店食過 印象深刻 外形有啲似一粒包仔 好得意 外皮比平時最常見嘅白色芝士丸Q彈 中間嘅芝士亦更濃郁😝
-
手打蝦丸（$38-半份）蝦丸體積頗大 蝦膠打得彈牙 食落膠質滿滿 中間有原隻爽口鮮蝦 整體蝦味非常突出 同魚皮餃一樣 令人忘不了🥰
-
韭菜餃（$22-半份）水餃皮極薄 韭菜餡極多 味道新鮮 鍾意食韭菜嘅人絕對一食愛上 但緊記盡量唔好洽太耐 因為皮太薄好易爆🧐
-
新西蘭刀背蚌（$58）一共有七隻 每一隻都非常大隻 脹卜卜 味道鮮甜 一樣係謹記唔好洽太耐 一開就好夾起 如果唔係質感會變硬🤓
-
一試難忘魚肉年糕（$20-半份）個名又改到咁浮誇 但食完又真係覺得佢改得幾好幾貼切 確係令人好難忘 魚肉彈口 年糕軟糯 洽完中間有少少拉絲 飽肚又美味🤩
-
椒鹽脆鯇片（$42）除咗火鍋之外 我哋亦叫咗一個小菜試吓 佢哋小菜嘅水準亦好出色 脆鯇片魚肉新鮮 炸得香口脆身 椒鹽味重得黎唔會過鹹 點喼汁食非常惹味～😋
-----
👶🏻B仔整體評價：8.1/10個👍🏻
👶🏻B仔抵食程度：8.5/10個👍🏻
👶🏻B仔環境評分：7/10個👍🏻
👶🏻B仔味道評分：8.5/10個👍🏻
👶🏻B仔回頭機會：8.5/10個👍🏻
-----
#swallowhongkong
跟住我一齊吞食香港啦！🤤
#swallowPrinceEdward
张贴
