因為啲野幾抵食 愈叫愈多 最後成枱都係😂
紅豆烏龍鮮奶 冬瓜鮮奶芋圓 珍珠鮮奶茶
我偷睇左佢全部都係用真鮮奶唔係用奶粉沖嘅
冬瓜鮮奶芋圓最好味 芋圓幾好咬
鹽酥雞綜合拼盤
一份有齊鹽酥雞 手工香腸 百頁豆腐 甜不辣
全部都炸到好香口 加埋味粉好正
滷蛋雞脾肉燥撈烏冬
本身係肉燥飯但因為賣晒飯 老闆問轉烏冬得唔得
喂好好食喎 勁多肉燥味道甜甜地 撈烏冬一流
增肌減脂組合配關廟麵
晚市套餐88已經包一個麵 再加小食同野飲都係88
喺呢區都算抵食嘅 份量好大
因為啲滷水小食實在太抵 大部分都係10-15蚊
所以我地狂叫左一堆
其中最鍾意芋粿甜甜地好香芋頭味幾Q彈
豬大腸好乾淨唔多肥膏但幾油香
豬手粒層豬皮係爽口彈牙嗰種
3個人食咁多野都係每人120左右
好抵呀
