影片
更多
2019-10-21
410 浏览
大乡里出城，性价比达人地点：湾仔食店：廉记冰室消费：$66 (包一杯冻柠茶)食品：男人最爱首先，先讲个菠萝包，而家出面好多茶餐厅偷工减料，个包细得黎，仲要劲少牛油 🤬 大家要知道，菠萝包个核心价值就系旧牛油，所以最好有咁大旧得咁大旧，有咁多得咁多，“支饮管有咁粗得咁粗“ (好似唔多关事 😅) 幸好，呢间冰室无令我失望，包既 Size 正常，而牛油同我所想既一样 😍 所以值得推介。然后到个奄列，本人系超级超级超级钟意食奄列，所以对奄列系有一定既要求。会期望咬落去既时候会有蛋汁，同入面既馅料融为一体。而唔系蛋就 “干曾曾“，火腿就还火腿，虽然两样野系放埋一齐，但食落口时就好似将两样野分开食咁，简直系失败 😡 而呢间冰室既奄列，我唔会话顶级，但算系合格，所以收货。最后，主菜出场，“猪扒肠仔福面“，猪扒好食，唔 “痴牙“ 唔 “鞋“ 不在话下，佢难得可以整到有少少似鸡扒果份 “软熟“，我相当欣赏，慢慢令我对猪扒呢样野逐渐改观，因为由细到大都认为 “生不入官门，食不死猪扒“ 😂环境：🌟🌟🌟🌟服务：🌟🌟🌟🌟价钱：🌟🌟🌟味道：🌟🌟🌟🌟性价比：⭐⭐⭐⭐今次性价比俾四粒星，主要系因为个菠萝包同 “猪扒肠
地点：湾仔
食店：廉记冰室
消费：$66 (包一杯冻柠茶)
食品：男人最爱
首先，先讲个菠萝包，而家出面好多茶餐厅偷工减料，个包细得黎，仲要劲少牛油 🤬 大家要知道，菠萝包个核心价值就系旧牛油，所以最好有咁大旧得咁大旧，有咁多得咁多，“支饮管有咁粗得咁粗“ (好似唔多关事 😅) 幸好，呢间冰室无令我失望，包既 Size 正常，而牛油同我所想既一样 😍 所以值得推介。
然后到个奄列，本人系超级超级超级钟意食奄列，所以对奄列系有一定既要求。会期望咬落去既时候会有蛋汁，同入面既馅料融为一体。而唔系蛋就 “干曾曾“，火腿就还火腿，虽然两样野系放埋一齐，但食落口时就好似将两样野分开食咁，简直系失败 😡 而呢间冰室既奄列，我唔会话顶级，但算系合格，所以收货。
最后，主菜出场，“猪扒肠仔福面“，猪扒好食，唔 “痴牙“ 唔 “鞋“ 不在话下，佢难得可以整到有少少似鸡扒果份 “软熟“，我相当欣赏，慢慢令我对猪扒呢样野逐渐改观，因为由细到大都认为 “生不入官门，食不死猪扒“ 😂
环境：🌟🌟🌟🌟
服务：🌟🌟🌟🌟
价钱：🌟🌟🌟
味道：🌟🌟🌟🌟
性价比：⭐⭐⭐⭐
今次性价比俾四粒星，主要系因为个菠萝包同 “猪扒肠仔福面“。
先讲菠萝包，而家出去食过茶餐，菠萝包 + 冻饮，闲闲地都廿到 “抆“ 至三十蚊，而佢而家无偷工减料，包既 Size 同牛油既份量令人满意，所以我觉得佢占总价钱既一半，系合理同公道。
“猪扒肠仔福面“，本身好食唔在讲，而我认为佢系令我多左一份回忆。细个时，父母都出外工作，所以最常食既就系公仔面，但当时既我，每次煮面时都十分忐忑，因为系我心目中，“出前一丁“ 同 “福面“ 既地位系对等既 😡 所以每次都有选择困难症，要谂好耐先决定到煮边一样。到大个后，自己较少煮食，而无论去食早餐，茶餐，甚至打边炉都好，“福面“ 好似买少见少。所以系我心目中 “猪扒肠仔福面“，个 “福面“ 先系重点，令我觉得佢将成件事加好多分。
所以最后我俾四星，第四粒星就系感情分。
#大乡里出城 #性价比达人 #性价比 #湾仔
#童年回忆 #福面
#吃喝玩乐 #向自己理想进发
张贴