神輿日本料理 (已結業)

计返都有一段时间冇食过放题，心中既放题瘾又再发作，今次去到位于旺角创兴广场内的「神舆日本料理」。食得放题一般都会食个半至两个钟，慢慢食兼享受优闲既感觉，会花两个小时，当然唔会想坐得咁辛苦，神舆就岩晒我，座位够晒宽敞，唔会有压迫感。放题黎讲最重要都系食物，刺身新鲜种类多不在讲，亦有海胆寿司供应，而我最欣赏既仲有吞拿鱼手卷，同其他放题唔同，饭既比例极小，大量既吞拿鱼蓉，朋友亦对此非常满意。寿司刺身外，值得推荐既仲有烧物，烧鸡软骨、烧海虾、仲有烧番茄牛柳串烧，爽甜既番茄配上多汁鲜嫩既牛柳粒，令我忍唔住都encore左两round。