熊茶 (已結業)

葵廣係掃街必去既地方，自從中學時期後，我就好少到訪，呢日同男朋友拍拖就玩玩新意思，重拾中學回憶-黎掃街啦我地掃街掃左一d小食，食到咁上下，口乾就黎熊茶買野飲，一眼就俾佢個熊仔logo吸引住！係Hello Kitty抱住果隻熊黎店內既野飲價錢都好平，$17一杯-》咁既價都唔會預好高質，我地就跟佢個排行榜黎點，結果No.2既楊枝甘露出奇地好飲，特別係個魔豆，一咬落去會爆d芒果汁出黎！而楊枝甘露就比較重奶味，酸酸地好開胃不過No.3果個北海道珍珠朱古力就麻麻地，朱古力係茶記沖既朱古力味，不過不失，但珍珠煮得好硬，一d都唔煙韌