神輿日本料理 (已結業)

神輿-今次黎到依加尚算比較新嘅放題🤗，裝修好有日本神社嘅感覺，設計好用心，而且位置比較闊，位得非常舒服！-首先講講個刺身，賣相冇普遍放題咁多花樣🤔，噴哂乾冰咁，擺位都冇好靚，但食落又ok，有三文魚腩、甜蝦、油甘魚、北寄貝等等，食落都幾鮮甜😄！-另外，對於佢嘅熟食就比較impress😖，特別係章魚小丸子、羊架，味道都比普遍嘅好食！-前菜嘅八爪魚、螺肉，份量大之餘，味道食得出比較新鮮，唔似出面個d有陣雪味😎！-甜品有幾款雪糕，有紅豆、抹茶同芝麻味，味道都幾濃味！-佢嘅餐枱紙有個特別嘅設計，係一份摺紙鶴嘅教學，旁邊仲有張紙可以嘶出黎，俾你摺紙，有得食又有得玩🤓！