影片
更多
2016-04-15
850 浏览
旺角操完 3 個鐘泰拳勁肚餓，即刻返上水搵食，依家成十一點幾，忍唔住幫襯火車站小販熱辣辣鹽焗雞髀，仲一路行一路食添，又真係幾好味呢。一隻雞髀仔又點會夠飽喎，唔覺意行到潮香園，唯有順便買外賣啦。仲要有幸撞到阿 Ming 同佢女友係度食野喎。第一次黎幫襯，早排已經上綱睇過食評，好評多、劣評少，所以都好放心地點菜。視察一下舖面環境先，點解大部份都係煮熟晒既？眼前有蝦有魚有螺有菜，海蝦、東風螺、瀨尿蝦、蜆、螄蚶、蜆仔肉全部都係熟架，係咪真架？唔係即叫即煮架咩？真心有點失望囉 ﹗即時食慾大減。突然好想食潮州凍蟹，係旺角已經諗住佢諗到返上水，點知得返最後一隻凍蟹，仲要係最巨形既。師傅話平時賣開要五百蚊架 ﹗我心諗太貴喇麻 ﹗之後佢話聽日放假，隻蟹如果今晚賣唔去就要掉落垃圾涌，打個折四百蚊益街坊。我猶豫左幾分鐘，最後有位四眼哥哥走過黎話三百五十蚊啦 ﹗好，是但啦，deal ﹗突然腦裡閃過幾個月前唔開心既經驗，上次本應專登同展兩兄弟黎試菜，點知人生路不熟轉錯灣去左基圍食垃圾豉油水潮州菜囉，豉油水當滷水，樣樣都好似白烚再淋豉油水咁款，浪費金錢又浪費時間，激鬼死！之後終於比我搵到潮香園真身就係正隔離，真係
第一次黎幫襯，早排已經上綱睇過食評，好評多、劣評少，所以都好放心地點菜。視察一下舖面環境先，點解大部份都係煮熟晒既？眼前有蝦有魚有螺有菜，海蝦、東風螺、瀨尿蝦、蜆、螄蚶、蜆仔肉全部都係熟架，係咪真架？唔係即叫即煮架咩？真心有點失望囉 ﹗即時食慾大減。
突然好想食潮州凍蟹，係旺角已經諗住佢諗到返上水，點知得返最後一隻凍蟹，仲要係最巨形既。師傅話平時賣開要五百蚊架 ﹗我心諗太貴喇麻 ﹗之後佢話聽日放假，隻蟹如果今晚賣唔去就要掉落垃圾涌，打個折四百蚊益街坊。我猶豫左幾分鐘，最後有位四眼哥哥走過黎話三百五十蚊啦 ﹗好，是但啦，deal ﹗
突然腦裡閃過幾個月前唔開心既經驗，上次本應專登同展兩兄弟黎試菜，點知人生路不熟轉錯灣去左基圍食垃圾豉油水潮州菜囉，豉油水當滷水，樣樣都好似白烚再淋豉油水咁款，浪費金錢又浪費時間，激鬼死！之後終於比我搵到潮香園真身就係正隔離，真係鬼掩眼！
椒絲腐乳生菜，份量咁少既？最後一碟？唔夠菜格硬炒出黎？HKD38 蚊好唔抵食喎，雖然好好味。生菜爽脆鮮嫩多汁，炒得熱騰騰有鑊氣。包住大量微辣咸香腐乳汁直送入口，咬到索索聲，跟舌頭係口腔內洶湧盪漾，水魚交融，真係好食喎。
椒絲腐乳水通菜，淨菜算喇，突然唔想食牛肉。炒功了得，通菜保持鮮嫩翠綠，菜汁澎湃跟香辣腐乳混和，超好味呢 ﹗真係要不停地掃入口才可以安心啊。
椒絲腐乳旱通菜，依家無水通食喇，淨係得旱通，好失望呢 ﹗但點都無理由炒得咁難食架喎，口感又粗又鞋又硬，椒絲腐乳炒鐵線菜囉 ﹗味道苦澀帶草青味，硬食兩啖後要放棄，成盒掉左 ﹗
椒絲腐乳油麥菜，早前係大埔鹿鳴居既新嘗試，椒絲腐乳配油麥菜，食過鮮甜爽口又多汁。今次黎潮香園試試，但味道硬係怪怪地，苦苦澀澀既？而且炒到好油，食到尾聲仲有少少反胃，不過都食晒啦，太遲喇。
薑汁芥蘭，點解蔬菜質數可以咁差呢？芥蘭皮厚又老又有渣，硬而不清甜，完全食不到薑汁味道。早前試過旱通菜、菜芯都係又老又硬又多渣，我唔會再係度食菜架喇。
菜芯炒牛肉，鬼佬巨菜芯超大碌呀 ﹗我一向已對莖麻麻地，食葉唔食莖，依家仲要咁鬼大碌添 ﹗我鍾意食細棵菜芯或菜芯苗架乍。既然叫左都要試試，不過巨菜芯非常爽口多汁喎，完全無渣，還泛著點點菜甜味，無草青味，驚喜萬分 ﹗牛肉就削削地囉，雖然鮮牛味濃厚帶甜，不過質地有點乾硬，而且感覺似牛肉還牛肉炒，菜芯還菜芯炒，分開炒再撈成一碟。
芥蘭炒肉片，肉片醃到過晒火，乸到腍劈劈又滑潺潺，而且味道略咸。芥蘭過份大碌囉，點解唔可以砌段先去炒呢？成棵就咁炒，爽脆但過生，味道還未能滲入芥蘭之中，麻麻地。
巨形凍紅蟹，師傅好用心機幫我斬靚隻蟹，砌得靚靚整齊乾淨有條理，巨形到連個盒都閂唔埋啊 ﹗好有份量，非常墜手呢 ﹗堅新鮮，聞得到的新鮮氣味，蟹肉依然黐殼，黐得實一實。蟹膏附著超濃海水味，軟棉蟹膏超級甘香，但齋食既味道實太濃，有點咸到連我都吃不消呢，撈飯先係明智之舉，應該會好好味。
遁序漸進 step by step，我條蟹路絕對係蟹膏蟹蓋第一，跟住蟹拑蟹身，最後蟹腳啦。巨大蟹拑有我手掌咁大，蟹肉彈力十足又結實，又鮮甜又可口，每絲肉都滲著蟹汁，眼見得到的水潤閃令令。啖啖肉，極滿足啊 ﹗蟹身蟹肉大大梳，溫柔細心地慢慢將所有殼去掉，去得乾乾淨淨，再成舊肉掉入口，那種震憾既快感非筆墨可言喻 ﹗原味好好食，沾上浙醋點綴一下同樣美味 ﹗
滷水鵝例牌，師傅一路斬我一路望到實，見佢開新鵝喎，唔知隻髀有無我份呢 ﹗點知見到佢斬晒背脊比我，切走隻髀留起去囉。搞錯呀 ﹗舊舊都骨杉杉，骨多肉少，係得籮友前面有少少肉咬下乍。唔講骨多肉少既問題，滷水味道又真係十分香甜既，不咸不嗆剛剛好，芳香味道不能拒絕。
滷水味道香濃而不失清爽，不濁不膩不滯，絕對能登大雅之堂。鵝肉細緻幼嫩滑滑的，嫩得黎仲要彈牙，清香滷水已完全滲透其中，無癡肥無肥膏，肥瘦又適中，高級野，好好食，好好味。配香蒜白醋得，配辣椒油亦得，無得彈。
例牌點解無鵝髀食既？師傅您留返自己宵夜嗎？早知 order 半隻啦。高質滷水浸高質肥鵝，甜美滷水散發著香料味道，食落特別開胃，食慾大增。加上鵝肉滑不留口，唔會霉唔會韌唔會鞋亦唔會有渣，配上鵝皮不肥而滑滑膠膠，好美味啊 ﹗沾點白醋就更芳香宜人啦，仲好醒胃添。
大豆芽，點解有蔥既？又要挑晒去。大豆芽浸完滷水有點過咸呢，下次要隔一隔先再食。大豆芽夠熟無草青味，而且仍然保持爽嫩無腍劈劈，滿意。發現有加埋豆腐卜喎，索晒味又幾好食噃。
鹽焗烏頭，四眼哥仔大力推介，仲話佢地係元朗烏頭好好食架 ﹗唓，依條烏頭又咸又腥，只滲著微弱肉汁，半點香甜味也沒有，亦完全無黃油 ﹗搞到我突然勁掛住大圍生昌爆黃油鹽焗烏頭囉，真係食過好野係返唔到轉頭架 ﹗大圍生昌既爆黃油烏頭始終係第一，無得比 ﹗
椒絲腐乳生菜
26 浏览
0 赞好
0 留言
椒絲腐乳水通菜
30 浏览
0 赞好
0 留言
椒絲腐乳旱通菜
31 浏览
0 赞好
0 留言
椒絲腐乳油麥菜
41 浏览
0 赞好
0 留言
薑汁芥蘭
15 浏览
0 赞好
0 留言
菜芯炒牛肉
24 浏览
0 赞好
0 留言
芥蘭炒肉片
34 浏览
0 赞好
0 留言
巨形凍紅蟹
23 浏览
0 赞好
0 留言
巨形凍紅蟹
38 浏览
0 赞好
0 留言
巨形凍紅蟹
13 浏览
0 赞好
0 留言
滷水鵝例牌
18 浏览
0 赞好
0 留言
滷水鵝例牌
29 浏览
0 赞好
0 留言
滷水鵝例牌
21 浏览
0 赞好
0 留言
滷水鵝例牌
31 浏览
0 赞好
0 留言
大豆芽
48 浏览
0 赞好
0 留言
鹽焗烏頭
35 浏览
0 赞好
0 留言
鹽焗烏頭
57 浏览
0 赞好
0 留言
张贴
