神戶屋日韓放題

营业中

休息中

上星期公司特別週年安排，4點半已經放咗工，成班同事話即興放題，揾下揾下就揀咗呢間神戶屋。我地6點倒開始入去，首輪刺身就選擇了三文魚、甜蝦、希靈魚、八爪魚和鮑片等刺身。先講三文魚，口感一流而且入口即融，將大大舊厚切嘅三文魚放入口，頓時有股魚鮮從喉嚨湧上頭頂。其實呢種感覺並唔誇張，日本漁市場經常都會揾倒，神户屋既師傅不計成本，採用最上乘既三文魚腩做刺身，從而帶出豐富而不油膩既效果。此外，師傳係希靈魚的選材都別有心思，他們在處理希靈魚時，絕對唔會用一啲雪氣好重，好似一般廉價壽司咁雪到乾晒水既刺身，所以一放入口，希靈魚就唔會有仼何腥同埋淋晒嘅感覺。既爽口又有鮮味既希靈魚呈現係我地眼前。貼心既神户屋係刺身既選擇上都顧及咗我地既需要，有頭甜蝦與甜蝦都非常新鮮，同事鐘意啜埋蝦頭，濃濃既蝦膏源源不絕咁流出黎，睇倒佢個滿足樣，我地都不禁笑咗出黎。最後，自己由細到大都好鐘意食三文魚，不停咁加單叫火炙三文魚壽司同刺身，野食都保持水準同埋好快到，真心抵讚。