影片
更多
2007-11-29
31 浏览
點解會用呢8 個咁gag 的字0黎做食評主題, 詳見下文:久聞呢度d 墨魚餅超掂, 今日12:00noon 人在奧運站, 就搵到0黎食個早lunch, 當然要了個有隻太陽蛋0既墨魚餅飯, 加個紫菜魚湯($30).先0黎魚湯(圖左上), 賣相幾靚, 飲落幾濃胡椒粉味, 不過都幾多人造味精. 飲了幾啖, 開始食墨魚餅飯, 點知忽然有隻巨大0既烏蠅出現, 0係我d 0野食上空飛來飛去, 仲極速飛了落我碗湯入面, 但因為碗湯係滾熱的, 隻0野即刻死了(圖左下), 成檀0野真係令人作嘔, 我就0拿0拿聲請女店員(應該係老闆娘?) "收收佢", 老闆娘見狀當然連聲sorry, 即刻換過碗俾我, 連師傅0係廚房見到, 都伸了個頭出0黎say sorry. 換過後賣相(圖右下) 同味道都係咁, 不過因為愈飲愈口渴, 結果都係飲唔晒.0係Openrice 見唔少墨魚餅飯0既相, 實物賣相果然好靚! 墨魚餅熱辣辣, 完全唔油, 面頭香口, 入面就好軟滑juicy, 啖啖都係墨魚肉粒, 100 個好食! 果然係招牌菜! 紫菜乾身, 好香, 加埋太陽蛋同甜甜0地0既豉油一齊撈飯, 非常好食! 推介
久聞呢度d 墨魚餅超掂, 今日12:00noon 人在奧運站, 就搵到0黎食個早lunch, 當然要了個有隻太陽蛋0既墨魚餅飯, 加個紫菜魚湯($30).
先0黎魚湯(圖左上), 賣相幾靚, 飲落幾濃胡椒粉味, 不過都幾多人造味精. 飲了幾啖, 開始食墨魚餅飯, 點知忽然有隻巨大0既烏蠅出現, 0係我d 0野食上空飛來飛去, 仲極速飛了落我碗湯入面, 但因為碗湯係滾熱的, 隻0野即刻死了(圖左下), 成檀0野真係令人作嘔, 我就0拿0拿聲請女店員(應該係老闆娘?) "收收佢", 老闆娘見狀當然連聲sorry, 即刻換過碗俾我, 連師傅0係廚房見到, 都伸了個頭出0黎say sorry. 換過後賣相(圖右下) 同味道都係咁, 不過因為愈飲愈口渴, 結果都係飲唔晒.
0係Openrice 見唔少墨魚餅飯0既相, 實物賣相果然好靚! 墨魚餅熱辣辣, 完全唔油, 面頭香口, 入面就好軟滑juicy, 啖啖都係墨魚肉粒, 100 個好食! 果然係招牌菜! 紫菜乾身, 好香, 加埋太陽蛋同甜甜0地0既豉油一齊撈飯, 非常好食! 推介!
環境少少up dup, 鋪位細, 坐得幾迫; 衛生情況其實唔算太差, 只不過"烏蠅也移民" 事件實在嚇人, 唔俾1 分唔得; 招呼唔錯, 老闆娘etc 都好有禮貌, 而且落單後店員們仲會俾個載住熱水0既小鐵碗你洗餐具, 幾細心0既安排, 仲有今日見到有位行動不便0既中年男人入去幫襯, 店員們對佢好細心, 值得一讚.
會再0黎食0野! 臨走時聞到極香0既美極炒/煎0野味, 原來係隔0黎位order 的美極薄牛扒飯, 唔知得唔得呢的?
张贴
